अनिता जयंत खाडीलकर
चित्रकाव्य
जीवनशोध श्रीमती अनिता जयंत खाडीलकर ☆
☆
घट डोईवर मूल कडेवर
जीवन फिरवते वणवण
दिस आलाय माथ्यावर
किती फिरशील रानातून
*
अंगभर वस्त्र डोईवर पदर
संस्कृती ही सांभाळत
करते ती सुखाचा संसार
शिकवण मायेची देत
*
पायी अनवाणी चालत
तोल सावरते विश्वासावर
मृगजळामागे धावत
जाशील तू कुठवर?
*
दोन जीवनाचे आधार
एक सोबत घेऊन
दुसरा शोधत दिनभर
जाशील तू दमून
*
एकेक थेंब साठवून
बचतीचे धडे देते
ठरेल जगती वरदान
संस्कारी जीवन घडवते
.
– – – रस्त्यावर मोलमजुरी करून दुष्काळात पाण्यासाठी वणवण भटकत फिरणार्या आईचं वर्णन करणारी ही माझी कविता त्या सर्व आईंना समर्पित.
☆
© अनिता जयंत खाडीलकर
सह्याद्री अपार्टमेंट, खाडीलकर गल्ली, बालगंधर्व नाट्यमंदिर समोर, ब्राह्मणपुरी, मिरज,जि. सांगली
मो 9689896341
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुखी निद्रा! 
