श्रीमती रंजना मधुकरराव लसणे
☆ रंजना जी यांचे साहित्य # 58 – राजमाता स्वराज्याची ☆
राजे लखूजींच्या गृही
जन्मा आली विद्युलता।
ऊरी स्वप्न स्वराज्याचे
गुलामीची ती सांगता।
राजकन्या जाधवांची
कुलवधु भोसल्यांची।
मानबिंदू आदर्शाचा
राजमाता स्वराज्याची।
दिले अभय जनाला
घडी बसवी राज्याची ।
अराजक दानवांना
धास्ती तुझ्या शासनाची
स्वराज्याचे बाळकडू
तूच राजांना पाजले
सिंह सह्याद्री गर्जता
तक्त दिल्लीचे हालले।
बालराजे थोपविती
फोज लांखो यवनांची।
राष्ट्रहीता सज्ज पुत्र
धन्य माय साहसाची।
आऊ साहेबा समान
राष्ट्रमाता होणे नाही।
करू त्रिवार नमन
याल का हो लवलाही।
© रंजना मधुकर लसणे
आखाडा बाळापूर, जिल्हा हिंगोली
9960128105
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
