मराठी साहित्य – कवितेचा उत्सव ☆ आपली मुंबई… ☆ स्वाती विकास गाडेकर ☆

स्वाती विकास गाडेकर

 कवितेचा उत्सव 

☆ आपली मुंबई... ☆ स्वाती विकास गाडेकर ☆

☆

ही मुंबई, आम्हा सर्वांच्या जीवाभावाची..

सगे-सोयरे मित्र परिवार, सर्वांच्याच लाडाची!!

 *

मुंबई आजची, आणिक कालची..

तशी वेगळी, पण सर्वांच्याच प्रेमाची!!

 *

राजी खुशीने, नांदती सखेसाबती..

जीवाला जीव देणे, हीच मुंबईकरांची ख्याती!!

 *

नाही झोपत मुंबई कधीही..

अशी महती असे, जगात अत्रतत्र सर्वत्रही!!

 *

राहती खोपट्यात-झोपडीत आनंदाने..

तशीच राहती, बिल्डिंग अन् बंगल्यात सुखाने!!

 *

समुद्र असे, तिची अस्सल शान..

ट्रॅफिक जॅम चा, मुंबईकर सदा गुलाम!!

 *

लोकल ट्रेन, असे तिची जीवनवाहिनी..

सदा तत्पर असे, सर्वांसाठी मान उंचाऊनी!!

* 

सजलेली ही मायानगरी नटनट्यांनी..

आर्थिक उद्योगाची, नावाजलेली राजधानी!!

 *

इतका मुंबईचा पसारा मोठा..

चारही टोके कुणीही सहज गाठा!!

 ☆

© स्वाती विकास गाडेकर