सौ. उज्वला सुहास सहस्रबुद्धे
कवितेचा उत्सव
☆ प्रार्थना गणेशास… ☆ सौ. उज्वला सुहास सहस्रबुद्धे☆
गजानना, तू वक्रदंता ,
सज्ज झालो तुझ्या स्वागता!
सोंड हलवीत येई तू आता ,
रूप तुझे सुखवी अनंता !
सुपा एवढे कान तुझे ते
गंडस्थळ हे तुला शोभते !
तीक्ष्ण नजर तुझी रोखून बघते,
स्वारी तुझी ही डौलातच येते!
देतो आम्हास चांगली बुद्धी ,
तूच असशी तो संकटनाशी !
साकडे घालतो तुलाच आम्ही,
नांदो,
स्वास्थ्य, आरोग्य, संपदा तिन्ही!
येतोस जरी काही दिवसापुरता,
साथ दे आम्हा अखंड आता !
सोडवी संकटापासून या जगता,
विनऊ आम्ही तुला प्रार्थिता!
© सौ. उज्वला सहस्रबुद्धे
वारजे, पुणे (महाराष्ट्र)
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
कविता खुपच छान आहे. अशाच कविता लिहित रहा.