श्री मुबारक उमराणी
कवितेचा उत्सव
☆ धुळीतले पाय… ☆ श्री मुबारक उमराणी ☆
☆
धुळीतले पाय रुतले धुळीत
राबता राबता गुंतले मातीत
*
भेगाळल्या पायी रक्ताचेच पाट
चालताना वाट जन्म झाला घाट
*
दोन घास भाकरी पोटाला आधार
आसवांनो नको रहायला उधार
*
हाताला हे घट्टे बोल भाकरीला
जीवनाचे तंत्र मंत्र ओसरीला
*
चटके बिब्याचे पायाला टिपके
स्वप्नहे धुळीत डोळ्यात चमके
*
धुळीतले पाय धुळिचाच खेळ
धुळीचाच अंती अकाशाशी मेळ
☆
© श्री मुबारक उमराणी
राजर्षी शाहू काॅलनी, शामरावनगर, सांगली
मो.९७६६०८१०९७.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
