श्री प्रमोद वामन वर्तक
कवितेचा उत्सव
☆ 🙏 जरी वाजले सूप…! 👍 ☆ श्री प्रमोद वामन वर्तक ☆
☆
आली आली म्हणता
येवून सरली दिवाळी,
ठेवा डब्यात माळ्यावर
आता शिल्लक रांगोळी!
*
चिवडा चकली शेवेचा
उरला असेल जर चुरा,
करून सुट्टीत मिसळ
घरातच तो वापरा!
*
लक्ष्मी पूजनाचे ताट
ठेवा नीट सांभाळून,
पुढच्या वर्षी दुप्पट
भर घालायचे ठरवून!
*
फटाक्याच्या धुरात
पुन्हा पैसे नका टाकू,
अनाथालया दान देण्याचे
मनांत ठरवून टाकू!
*
जरी संपला दीपोत्सव
ठेवा तेवत स्वप्नांचे दीप,
निर्धार करुन स्वप्नपूर्तीचा
जगी मिळवा मान खूप!
जगी मिळवा मान खूप!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
