डॉ. मधुवंती कुलकर्णी
कवितेचा उत्सव
☆ सुखाचा पाया… ☆ डॉ. मधुवंती कुलकर्णी ☆
☆
वचने तू दिलीस आणि प्रेमाचे कीट ही
होईल का सांग मला नभ माझे धीट ही
*
वाट बघता कंटाळले पक्षी नयनांचे
नाही का रे येत कधी अश्रूंचा वीट ही
*
काळजाची सावली लुप्त हो नशिबातुनि
सांग आता तरी मज वेध पुढचे नीट ही
*
जीवन प्रवासात ही वाट असते तमाची
ठेव आता तरी मज तुझ्यासोबत सीट ही
*
जीव गमतो तुझा शहराच्या गाण्यांत म्हणे
रानटी ऐश्वर्य जपले भाबडी तीट ही
*
निखारे सर्व ॠतुचे झेलले जागेपणी
स्वप्नात तुझी नजर विरघळते हार्ट बीट ही
*
नको अगतिक होऊ वैभवाच्या वर्तमानी
बंगला भक्कम सुखाच्या पायाची वीट ही
☆
© डॉ. मधुवंती कुलकर्णी
जि.सांगली
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
