प्रा. भरत खैरकर
कवितेचा उत्सव
☆ ममतेचा फास… ☆ प्रा. भरत खैरकर ☆
☆
आनंदवारा शिडात भरुनी
नावा निघाल्या पैलतिरी
अस्तित्वाचा शोध घेण्या
हिंदोळे मन लाटांवरी!
*
काजळ गर्द तमी
दिसता दीप दुरात
आशेची पैंजणे बनुनी
नाचती उरात!
*
भिरभिरणारी नजर शोधे
मायाळू थारा
कधी काळच्या दबलेल्या सुरांना
छेडतसे वारा
*
अधांतरी भवितव्याला
आधार किनारी वेस
दिगंतरीच्या पाखराला
ममतेचा फास!
☆
© प्रा. भरत खैरकर
संपर्क – बी १/७, काकडे पार्क, तानाजी नगर, चिंचवड, पुणे ३३. मो. ९८८१६१५३२९
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
