मंजुषा सुनीत मुळे
📚 वाचताना वेचलेले 📖
☆ “कशास खाता भाव तुम्ही” – कवी : विनायक जोशी ☆ प्रस्तुती – मंजुषा सुनीत मुळे ☆
☆
स्वप्नात आले महाराज रात्री
काढली त्यांनी खरडपट्टी
देशासाठी आम्ही कमविले
तुम्ही तर करताय उधळपट्टी//1//
*
घेऊन जीएसटी रयतेकडून
फुकटात वाटता साड्याचोळ्या
जनता होईल आळशी स्वार्थी
बंद करा आधी या पागोळ्या//2//
*
गल्लोगल्ली उभारून पुतळे
कशास करता महसूल नास
लाचखोर बसवून मंत्रालयात
कशाला करता फुकट फार्स//3//
*
सोडून संकल्प पुतळ्यांसाठी
फास घेऊन मरतोय शेतकरी
वाचवा प्राण बळीराजाचे
त्याचे जीवावर खाता भाकरी//4//
*
खंडणीखोरांना लावून चाप
जरब बसवावी शासनाची
टांगून चार दोन फासावरती
आका बकांना जरब तुमची//5//
*
काढून माझ्या जन्म यात्रा
कर्तृत्व तुमचे त्यात कुठे
आवाज करत ढोलताशांचा
ध्वनिलहरीतून कान फुटे//6//
*
धर्मा आडून लपून छपून
साप फिरतात स्वराज्यात
ठेचून काढा वेळीच त्यांना
बदल करतील ते संविधानात //7//
*
कसले करता वाढदिवस
पुरुषार्थ नाही त्यात काही
मारून दाखवा हिरवे पिवळे
होऊंदे अंगाची त्यांचे लाही//8//
*
बांधून पुतळे जागोजागी
कबुतरांची करता आणखी सोय
सरहद्दीतून घुसतात परदेशी
करू नका तुम्ही त्यांची गय//9//
☆
कवी : विनायक जोशी
प्रस्तुती : मंजुषा सुनीत मुळे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
