शीतल कुलकर्णी
वाचताना वेचलेले
☆ माझा गाव चोरीला गेला… – लेखक : अज्ञात ☆ प्रस्तुती – सौ. शीतल कुलकर्णी ☆
☆
कोकिळेची साद होती,
कोंबड्याची बांग होती l
*
टाक्यावरच पाणी पिऊन,
जनावरे पण तृप्त होती l
*
इरला होता, कांबळा होता,
लट्यात पण उब होती l
*
नाचणी होती, वरी होती,
भाकरीला पण चव होती l
*
पिटी होती, तेरा होता,
डांगर पण लय होता l
*
जाता होता, घिरट होती,
हिडका लावची कला होती l
*
बिवळा होता, मूडी होती,
यट धरायची मजा होती l
*
परसा होता, उतव होता,
शेणीसाठी खोप होती l
*
सूप होत, रवळी होती,
बनवण्याची कला होती l
*
मडकी होती, वाळमांड होती,
डोण्यात सुद्धा पेज होती l
*
गाई होत्या, म्हैशी होत्या,
बुडकुल्यात दूध होता l
*
नांगर होता, जू होता,
इरी – इरीची साद होती l
*
ढोरं होती, पोरं होती,
पोरं पण निर्व्यसनी होती l
*
मासे होते, मटण होतं,
कोक्याची पण माष्टा होती l
*
डोम्यां होता, खून होती,
व्हाळात पण मासे होते l
*
कोयता गेला, आकडी गेली
पाजळण्याची पायरी केली l
*
पाटा गेला, व्हायन गेला,
मुसळाचा वसया गेला l
*
गरी गेली, डेकळे गेले,
करंडात आता कांदे आले l
*
लाट गेली, कोळंब्या गेला,
फापाळ्या वरची उडी गेली l
*
राख गेली, कोंडला गेला,
कोंडल्यातले कुत्रे गेले l
*
घूड गेले, रवनी गेली,
कवटाची पण पोळी गेली l
*
कवळा गेली, गोवरी गेली,
काजू भाजायची मजा गेली l
*
असा माझा गाव होता,
कोणी मेल्याने चोरून नेला l
*
असा माझा गाव होता,
कोणी मेल्याने चोरून नेला l
☆
कवी: अज्ञात
प्रस्तुती : शीतल कुलकर्णी
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
