श्री प्रमोद वामन वर्तक
चित्रकाव्य
भावनाशून्य प्रगती ! श्री प्रमोद वामन वर्तक ☆
☆
चाणक्य कृत्रिम बुद्धिमत्तेतले
‘भारत मंडपात’ जगातून जमले,
जो तो दावा करी तयाला
भावी विश्वाचे कोडे उलगडले !
*
काम सोपे करण्या मानवाचे
येथे तयार कित्येक यंत्र मानव,
त्या भावना विरहित यंत्रामध्ये
सर्व भाव भावनांचा अभाव !
*
डोळे बोलती भाव हृदयातले
थेट भिडता नजरेला नजर,
भावनाशून्य ‘त्या’ यंत्रामध्ये
दिसे आज्ञा पालनांचे काहूर !
*
प्रगती सारी भावना विरहित
बनवेल ‘कठपुतळी’ मानवा,
हात जोडूनी देवा विनवितो
या अरिष्टातूनी जगा वाचवा !
या अरिष्टातूनी जगा वाचवा !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
