श्री तुकाराम दादा पाटील
कवितेचा उत्सव
☆ ताठा… ☆ प्रा तुकाराम दादा पाटील ☆
☆
इथे कोणी कुणाचाही खराअंदाज बांधेना
बळी ठरतोय शंकांचा तरी तो शांत बोलेना
*
सुखाचा शोध घेतांना हसाया लागली दुनिया
जरी बदनाम झाली ती तरीही सत्य सांगेना
*
मनाचा तोल ढळलेला कळाया लागले तेव्हा
फिरे मोकाट का वेडा कुणाला हात मागेना
*
पुढे जाणार होता तो गती घेवून जोमाने
तरी पायातल्या बेड्या मनाने तोच तोडेना
*
कसा हा वादळी वारा सुटाया लागला येथे
कुठे शोधून ही त्याला जरा आधार भेटेना
*
फसाया लागला तेंव्हा खचाया लागला होता
तरी ही गर्व झालेला कसा तो आज सोडेना
*
बळाचा येवढा ताठा कसा तो दावतो आहे
किती ओझे शिरी त्यांच्या तरी कमरेत मोडेना
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
