श्री प्रमोद वामन वर्तक
चित्रकाव्य
जं ग ल रा ज? श्री प्रमोद वामन वर्तक ☆
☆
परवा धडक दिली बिबटयाने
मुंबईच्या वेशीवर भायंदरला,
काल आला सोनेरी कोल्हा
पाणी प्यायला कल्याणला!
*
सगळ्या मुंबापुरीची होणार
थोड्याच दिवसात राणीबाग,
हावऱ्या मुंबईकरा आता तूच
एका पिंजऱ्यात रहायला लाग!
*
केलास “त्यांच्या” अधिवासाचा
स्वार्थापोटी खूप सत्यानाश,
आता तुझ्या हद्दीत येऊन
घेऊ लागले बघ तुझाच घास!
*
अक्कल गहाण ठेवून तुझी
तू बांधलेस जंगलात मनोरे,
वेळ अजूनही गेली नाही
आता तरी बंद डोळे उघड रे!
आता तरी बंद डोळे उघड रे!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
