सौ.अस्मिता इनामदार
☆ कवितेचा उत्सव ☆ शब्दुली….. ☆ सौ.अस्मिता इनामदार ☆
आकाशात अचानक
ढग भरूनीया आले
आणि डोळ्यातून माझ्या
असे कसे कोसळले?
*
चार शब्द तुझे आणले
चार शब्द माझे आणले
बांधला त्याचा झुला
अन् आभाळपर्यंत पोचले
*
प्रत्येक नव्या ओळखीतून
नवे नाते अंकुरले
आणि मग नकळत
जीवन उमलून आले.
*
असे कसे मन माझे
रानावनात रमते
माणसांच्या गर्दीतही
मुके मुकेच राहते.
*
नको माणसांचा संग
नको घराचा निवारा
गच्च हिरव्या रानात
फुटे सुखाला धुमारा.
*
© सौ अस्मिता इनामदार
पत्ता – युनिटी हाईटस, फ्लॅट नं १०२, हळदभवन जवळ, वखारभाग, सांगली – ४१६ ४१६
मोबा. – 9764773842
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
