मराठी साहित्य – कवितेचा उत्सव ☆ मन हे दत्तपदी रमले ☆ कवी विकास जोशी

 ☆ कवितेचा उत्सव ☆ मन हे दत्तपदी रमले ☆ कवी विकास जोशी ☆

मन हे दत्तपदी रमले

गाणगापूरी जाता जाता दत्तनाम जपले

मन हे दत्तपदी रमले ||ध्रु||

विश्वाच्या कल्याणासाठी

भक्तांच्या उध्दारासाठी

योगीराज नृसिंह सरस्वती भूवर अवतरले ||१||

निर्गुण मठी मना विश्रांती

सरते, मिटते भवभय, भ्रांती

दाटून आला शरणभाव अन मस्तक नत झाले ||२||

सूर, ताल, लय, गुरुंचे देणे

गुरुस्फूर्ती ही गुरुस अर्पिणे

भक्तीप्रेम हे अखंड राहो इतुकेच प्रार्थिले ||३||

© कवी विकास जोशी

गाणगापूर, १५.०१.२०२१

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈