मराठी साहित्य – कवितेचा उत्सव ☆ जर….तर… ☆ श्री तुकाराम दादा पाटील

श्री तुकाराम दादा पाटील

 ☆ कवितेचा उत्सव ☆ जर….तर… ☆ श्री तुकाराम दादा पाटील ☆ 

धीर धर साधना कर

किती राबतोस मरमर

जिवंत आहेस तेथ वर

सांड,मांड, पुन्हा भर

चढतो जैव्हा दंभ ज्वर

पिसाट होती नारी नर

छाटून टाक त्यांचे पर

तू सत्याची कास धर

नको बाळगू कसले डर

करून उंच आपला स्वर

विरोध करण्या बळ धर

न्याया साठी लढून मर

नको विसंबू कोणा वर

उचल पाऊल तुझे तर

येणाराला नक्की स्मर

बुजवून टाक सगळे चर

ठरव  तुझा तुच दर

खुर्ची साठी वापर जर

गादीवर अंथर फर

सत्ते साठी पुण्य कर

©  श्री तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈