सौ. सुचित्रा पवार
कवितेचा उत्सव
☆ रात्रीच्या चांदण्यात.. ☆ सौ. सुचित्रा पवार ☆
रात्रीच्या चांदण्यात प्रीत रंग रंगू दे
धुंद या वेळी हात हाती असू दे !
सडा प्राजक्ताचा पडेल सभोवताली
चांदण्याचे आभाळ झुकेल खाली
चार चांदण्या तुझ्यासवे वेचू दे
रात्रीच्या चांदण्यात…
धुंद धुंद ही हवा
सुगंध वाहतो मरवा
सुगंध तुझ्या मरव्याचा आज
श्वासात जरा दरवळू दे
रात्रीच्या चांदण्यात…
नको ना दूर जाऊ असा
थाम्ब, ये जवळी राजसा
प्रीतीत चिंब होऊ दे
रात्रीच्या चांदण्यात…
नकोच सजना आता दुरावा
तुझ्यासवे तो चांदवा भेटावा
मंद मंद चांदण्यात या
श्वास धुंद होऊ दे
रात्रीच्या चांदण्यात…
© सौ.सुचित्रा पवार
तासगाव, सांगली
8055690240
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
सुंदर प्रेममय रचना बधाई