श्री तुकाराम दादा पाटील
कवितेचा उत्सव
☆ रूबाब… ☆ प्रा तुकाराम दादा पाटील ☆
☆
गेले घडून काही उरले अजून बाकी
जगणे मना प्रमाणे घडले जपून बाकी
*
संधी मिळेल तेव्हा मजबूत होत गेले
संधान माणसासी जपले म्हणून बाकी
*
खोटे लबाड कोणी करतात खूप धंदे
त्यांनी घबाड लुटले सगळे दडून बाकी
*
ज्यांनी मजेत केले भरपूर प्रेम खोटे
ते प्रेमवीर आता दमले रडून बाकी
*
अंदाज बांधलेले हुकले किती खुलासे
किस्से किती कळाले लोकांकडून बाकी
*
होत्या ब-याच त्यांनी पण जिंकल्या लढाया
शक्ती बरीच त्यांची गेली गळून बाकी
*
मोठे बनावयाला नकली रुबाब केला
प्रतिमाच आज त्यांची गेली मळून बाकी
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
