मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #२९८ ☆ माझी स्वामिनी… ☆ श्री अशोक श्रीपाद भांबुरे ☆

श्री अशोक श्रीपाद भांबुरे

अशोक भांबुरे जी यांची कविता अभिव्यक्ती # २९८

☆ माझी स्वामिनी… ☆ श्री अशोक श्रीपाद भांबुरे ☆

☆

हाच चंद्रमा मनात, हीच द्वाड दामिनी

झोपुनी आहे घरात, तीच माझी स्वामिनी

*

वादळा आधीची ती, अशीच शांत वाटते

बरसते जशी जशी, हे आभाळ फाटते

अता न संयमात ती, नेई सर्व वाहूनी

*

चांदण्यात ती मुळात, होय फार वेगळी

शोधतोय मी आभाळ, रिक्त एक पोकळी

वागते कठोर ती, नेत्र फक्त रोखुनी

*

ओठ कोवळे असे, की गुलाब पाकळी

काटेरी हात तिचे, चाल फार वेगळी

मोहिनी म्हणू तिला, की म्हणू मी भामिनी

☆

अशोक श्रीपाद भांबुरे