श्री प्रमोद वामन वर्तक
कवितेचा उत्सव
☆ आमचाच खरा राजा! ☆ श्री प्रमोद वामन वर्तक ☆
☆
गल्ली मधल्या राजांमध्ये
लागे कसून नेहमी चुरस,
भव्यदिव्य आरास सारी
सगळा देखाव्यांचा भास!
*
होती उंचीवरुनी हेवेदावे
सारे खेळ जाहिरातींचे,
‘आमचा पावतो नवसाला’
लागती फलक मंडळांचे!
*
ऐकून एखाद्याची कीर्ती
रात्र रात्रभर रांगा लागती,
फुललेल्या चेंगरा चेंगरीत
मोबाईल पाकीटं जाती!
*
आता तर झाली विभागणी
उजव्या डाव्या पायाची,
उरली नाही कोणा चाड
वक्रतुंडाच्या खऱ्या भक्ताची!
वक्रतुंडाच्या खऱ्या भक्ताची!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
