श्रीशैल चौगुले
कवितेचा उत्सव
☆ सुलक्षणे… ☆ श्रीशैल चौगुले ☆
☆
ऊन्हाळे-पावसाळे व्यर्थ सारे
स्वतःचे लौकिकात सार्थ खरे.
आदर न ठेवावा कुणाचा कधी
श्रीमंतासारखे जगावे बरे.
*
माघार न घ्यावी प्रतिष्ठा धर्म
हरवावे प्रत्येका शक्ती शौर्ये.
करावा संघ गट जगताना
खेचावीत दुजांचे बल धैर्ये.
*
हिच निती सत्य यशस्वी मंत्र
सृजनाचा वेडा क्षणात हारे.
जातीचा बघावा माणूस नित्य
जातीच्याच माणसा हार-तुरे.
*
माणूसकी काय न देई सर्व
ताठ मानेने जगावे ही सूत्रे.
किंमत का द्यावी कुणा उगाची
निंदा करता जिंके सत्तांतरे.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
