सौ. रेणुका धनंजय मार्डीकर
चित्रकाव्य
बोल ना गं अबोली… सौ.रेणुका धनंजय मार्डीकर ☆
☆
बोल ना ग अबोली माझ्याशी जरा
नाजूक साजूक तुझा नखरा
*
नवरीसाठी तुझा खास गजरा
माहेरचा मान तुला आहेच खरा
*
चार रंगाची चांदणी खुळी
मऊ मुलायम तुझी पाकळी
*
गुलाबी हिरवी अबोली पिवळी
वाऱ्यावर डुलते सोनसळी
*
नाव तुला शोभते फटाक्याचे फुल
कदंबे विणताना मना पडे भूल
*
कागड्याची फुले मोगऱ्याच्या संगे
दुरंगी विणताना अबोली रंगे
*
परसात तुझे ताटवे फुलती
वैद्याचे गुण अंगी केवढी महती
*
बालपण हसले तारुण्य रुजले
तुझ्या संगती जीवन सजले
*
शब्द आज माझे झाले दिवाणे
अबोलीसाठी हे काव्य नजराणे
*
कविता सजली पानात रुजली
कुंतल सजवून ती कुजबुजली
*
© सौ.रेणुका धनंजय मार्डीकर
औसा.
मोबा. नं. ८८५५९१७९१८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
