Marathi Kavita
सुश्री नीलांबरी शिर्के
चित्रकाव्य
पण ओंजळ रितीच… सुश्री नीलांबरी शिर्के ☆
☆
कवठी चाफ्याचा
गंधच भारी
तबकात सजुन
मोबाईलच्या दारी
*
दर्शनमात्रे मन
प्रसन्न होते
गंध हुंगण्या मन
व्याकूळ होते
*
भेटीचे सुख
पाहता मुख
रित्या ओंजळीचे
सलतेच दु:ख….
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्रीमती उज्ज्वला केळकर
कवितेचा उत्सव
☆ येणे जाणे… ☆ श्रीमती उज्ज्वला केळकर ☆
☆
अवचित येणे असे कसे?
कळत नकळत
नकळत कळत
पर्णा बिलगून स्वप्न हसे
अंगांग व्यापणे आणि कसे?
हरखत निरखत
निरखत हरखत
घन सावन पसरी दाट पिसे
अलगद जाणे काय असे?
उधळत निखळत
निखळत उधळत
टपटपणारी बकुल कुसे
☆
© सौ. उज्ज्वला केळकर
संपर्क – निलगिरी, सी-५ , बिल्डिंग नं २९, ०-३ सेक्टर – ५, सी. बी. डी. – नवी मुंबई , पिन – ४००६१४ महाराष्ट्र
मो. 836 925 2454, email-id – kelkar1234@gmail.com
≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
कविराज विजय यशवंत सातपुते
कवितेचा उत्सव # 251 – विजय साहित्य
☆ संमोहन तू..! ☆
☆
प्रेम करुणा,नेत्री भरता,
दिसे सावळा,शाम मुरारी.
नंदलाल हा, पार्थसारथी,
दिव्य कांतीचा, हा गिरिधारी. १
*
कंज लोजनी,अजन्मा तू,
हिरण्यगर्भा,पद्मनाभ तू.
अजया तूची, वासुदेव तू,
रवि लोचनी, विश्व मूर्ती तू.२
*
दहि दुधाचे, संमोहन तू,
तुला आवडे ,साखर लोणी.
तुझ्याच साठी,यमुने काठी,
तुझ्या दर्शना,झुरते कोणी.३
*
दामोदर वा,गोपीनाथ तू,
कृष्ण मुरारी राधा रमणा.
तुला पाहता,भान हरावे,
करीसी लिला,किती मोहना.४
*
मौत्तिक माला,तारावली ही,
रत्न माणके,तडीतप्रभा.
बाहु भुषणे, कर्णकुंडले ,
सालंकृत ही, मुकूट आभा.५
*
पिवळ्या रंगी,साज केशवा,
पारीजातकी, तुझा गोडवा.
कोस्तुभ रत्ने, कंठमणी हा,
दिसे उठोनी, रूप माधवा.६
*
वैजयंतीची, मोहक माला,
मोर पिसांची ,शिरी झळाळी.
अलंकार हे, अंग हरीचे,
जिथे लक्षुमी,चवरी ढाळी.७
*
प्रेम भक्तीचा,झरा खळाळे,
तुझी लागता,चित्ती चाहूल.
स्वर्ग सुखाचा,दिसे आरसा,
जिथे विसावे,कृष्णा पाऊल.८
*
चराचराला,ठेवी बांधून,
यमुना तिरी,कदंब वृक्षी.
कृष्ण विसावा, रम्यस्थळीते,
झुले डहाळी,रेखीत नक्षी.९
*
तुला पाहण्या,तुला ऐकण्या ,
फांदी वरती,बसला रावा .
घाल मोहिनी,मुरली वंशी,
वाजव वेणू,ऐकव पावा.१०
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुश्री शीला पतकी
कवितेचा उत्सव
☆ “शब्दाविण…” ☆ सुश्री शीला पतकी ☆
☆
मी मोगरा माळतो तुला
अन शब्द ओठात घोळतो
शब्द रेंगाळतो जिभेवर
मौन संवाद साधतो//
*
मौन भाषा कळते तुला
अन् तू कवेत घेते मला
स्पर्शही मग शब्द होतो
सारे कसे शब्दावीना//
*
शब्दाविना बोलतात डोळे
भावभाषी प्रेम ते
या ह्रदयाचे त्या ह्रदयाशी
मग संवाद स्पंदन साधते//
*
प्रेमाचा संवाद आगळा
देह सारा बोलतो
शब्दांचे मुकेपण तिथे तरी
भाव संवाद साधतो//
☆
© सुश्री शीला पतकी
माजी मुख्याध्यापिका सेवासदन प्रशाला सोलापूर
मो 8805850279
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सौ.ज्योत्स्ना तानवडे
कवितेचा उत्सव
☆ शुभंकरोती… ☆ सौ.ज्योत्स्ना तानवडे ☆
☆
शुभंकरोती म्हणता स्मरते
ओसरी अंगण माहेराचे
कानामध्ये घुमू लागती
बाबांचे स्वर मांगल्याचे ||
*
शुभ करणारी दीपज्योती
प्रकाशते घराघरास
अज्ञानाचा तम संपवून
उजळते मनामनास ||
*
पाढे पर्वचा घोकंपट्टी
सूत्र शिकविति अभ्यासाचे
सराव त्यांचा करून गेला
गणित पक्के आयुष्याचे ||
*
ध्यान करता शुभंकराचे
सूर ऐकता आरतीचे
दान मिळते सद्बुद्धीचे
संस्कार घडती शुभंकरोतिचे ||
☆
© सौ.ज्योत्स्ना तानवडे
वारजे, पुणे.५८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सौ.रेणुका धनंजय मार्डीकर
कवितेचा उत्सव
☆ दहशतवादी माणूस होतो… ☆ सौ.रेणुका धनंजय मार्डीकर ☆
(पादाकुलक वृत्त – मात्रा:8+8=16)
☆
उंच उंच देवदार होते
नयनरम्य त्या मोहकस्थानी
हिमनग सारे अंथरलेले
किती देखणे आरस्पानी
*
कसे अचानक तिथे पातले
दानव सारे दुराभिमानी
काळ पातला वेळ घेउनी
विरून गेली अशी कहाणी
*
सौंदर्यातच क्रौर्य उतरले
स्वर्ग नरक ना भेद राहिला
यमदेवाचा घाव अचानक
या जागेने पुन्हा पाहिला
*
स्वप्न घेउनी आले होते
जीवन सारे करण्या सुंदर
पहेलगामने दिले असे की
संपत गेली रम्य धरोहर
*
दहशतादी माणूस होतो
विचार सारे विकृत ज्याचे
मरणाची ना भितीच कुठली
जगण्याशी ना नाते त्याचे
*
सौंदर्याने निसर्ग नटला
निष्पाप रक्त सांडले तिथे
सावित्रीचे श्वास थांबले
तो सत्यवान संपला जिथे
☆
© सौ.रेणुका धनंजय मार्डीकर
औसा.
मोबा. नं. ८८५५९१७९१८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
सौ. उज्वला सुहास सहस्रबुद्धे
☆ कोकीळ… ☆ सुश्री उज्वला सुहास सहस्रबुद्धे ☆
☆
पानांच्या घुंघटात लपेटून,
कोकिळ गाई मंजुळ गाणे!
साद कोकिळेस दे आनंदाने,
सूर सप्तकातील मधुर तराणे!..
*
चाहूल देईल वसंताची,
वास पसरील मोहोराचा!
धुंद फुंद होऊनी परिसर,
नाचू लागे मोर अंतरीचा!
*
वसंत राजा सहा ऋतूंचा,
आंबा राजा जसा फळांचा!
कोकिळ गाई सुंदर गाणे,
गान तपस्वी असे निसर्गाचा!
*
जसा बहावा शोभून दिसतो,
ऊनझळांच्या सोन संगती!
प्रत्येकाची वेगळीच महती,
उमजून येई निसर्गात ती !
☆
© सुश्री उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
श्री प्रमोद वामन वर्तक
चित्रकाव्य
☆ कचऱ्याचे मनोगत… ☆ श्री प्रमोद वामन वर्तक ☆
☆
नका घेऊ मला हलक्यात
माझी किंमत फारच मोठी
असलो जरी आज कचरा
सफाईसाठी कोटीच्या कोटी
*
शंभर वर्षाचे आयुष्य माझे
तीन वर्षात म्हणे पुसणार
आणि त्या जागेवर पुनःश्च
नवीनच धारावी वसवणार
*
माझा सदुपयोग माणूस
कोण जाणे कधी शिकणार
डोकं चालवून माझ्यापासून
रस्ते आणि वीज बनवणार ?
*
मुळातच लावली असती
मानवाने माझी विल्हेवाट
आज त्याचे वाचले असते
नगद अडीच हजार कोट
नगद अडीच हजार कोट
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सौ शालिनी जोशी
चित्रकाव्य
कर काही स्वानंदासाठी... सौ शालिनी जोशी ☆
☆
अशी का सखे तू उदास
एकटीच पायरीवर बैसलीस
*
घर दिसे शोभिवंत टूमदार
बाजूला झाडे वेलीही सुंदर
*
समोर हा झुला निवांत
चहू बाजूला सारा शुकशुकाट
*
मुले बाळे नातेवाईक दूर
म्हणून का दिसे ही हुरहुर
*
अगं कर्तव्य आपले करावे
परी अपेक्षात गुंतू नये ग
*
जग सारे आपलेच जाणतेस
पुरव आता तुझा छंद हौस
*
इतके दिवस गेले दुसऱ्यासाठी
आता कर काही स्वानंदासाठी
*
उठ सखे आता सत्वर ….
घे झोका गा गाणे सुंदर ….
☆
© सौ. शालिनी जोशी
संपर्क – फ्लेट न .3 .राधाप्रिया टेरेसेस, समर्थपथ, प्रतिज्ञा मंगल कार्यालयाजवळ, कर्वेनगर, पुणे, 411052.
मोबाईल नं.—9850909383
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ.मंजुषा मुळे/सौ.गौरी गाडेकर≈
सुश्री प्रभा सोनवणे
कवितेच्या प्रदेशात # 272
☆ अर्थ नाही… ☆ सुश्री प्रभा सोनवणे ☆
☆
त्यागुन इथे सुखाला जगण्यात अर्थ नाही
मारुन मना विरक्ती धरण्यात अर्थ नाही
*
माझी मला कळाली ‘गलती‘ लगेच येथे
तक्रार तू नव्याने करण्यात अर्थ नाही
*
आता नका तुम्ही त्या सांगू जुन्याच गप्पा
भातासवे कढी ‘ती‘ चरण्यात अर्थ नाही
*
“झाली बुलंद शेते” गावात बोलबाला
कोणी उगाच आता कसण्यात अर्थ नाही
*
जो तो इथे शहाणा पंडीत जाहला की
गझला पुन्हा नव्याने रचण्यात अर्थ नाही
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
