Category: कवितेचा उत्सव 2

 कवितेचा उत्सव 

☆ साजरा श्रावण ☘️ सौ. शुभदा भास्कर कुलकर्णी (विभावरी) ☆

   आभाळाच्या मंडपात

   मेघ गातसे मल्हार

    थेंबा थेंबानी ओविले

     शुभ्र मौक्तिकांचे हार….💦💦

      हळदुल्या उन्हाच्या या

       पावसात येरझारा

        ऊनं पावसाचा खेळ

         असा श्रावण साजरा..🌦️

         ओल्या चिंब पावसाला

          येई प्राजक्ताचा गंध

         जाई -जुई -चमेलीही

         झुलतात मंद मंद…🌼

         सोनसळी किरणांनी. 

         इंद्रधनु रेखाटले

         नभं गळता गळता

         मनं माझे आभाळले…🌈

          आठवांच्या शिंपल्यात

           झुले माहेरचा झुला

            त्या आनंद क्षणांचा

            असे पाऊस आगळा…😢

©  शुभदा भास्कर कुलकर्णी (विभावरी)

कोथरूड-पुणे.३८.

   मो.९५९५५५७९०८ 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

डॉ.सोनिया कस्तुरे

 कवितेचा उत्सव 

☆ सारे मिळूनी… ☆ डॉ.सोनिया कस्तुरे ☆

जात-पात लिंगभेद संपवूनी । समतेची छान गोधडी शिवू

चला आपण सारे मिळूनी, समतेचे नवे गाणे गाऊ !

नव्या उमेदीचे । नव्या तंत्रज्ञानाचे,

तुझ्या-माझ्या स्वप्नातील । सुराज्याचे गाणे गाऊ !

विरहाचे, दुःखाचे । आनंदमय क्षणांचे,

तुझ्या माझ्या कल्पनेतील ।  सुखाचे गाणे गाऊ…

श्रमणाऱ्या  हातांचे । शिकणाऱ्या  मुलांमुलींचे

तुझ्या माझ्या हातातील । नव्या कौशल्याचे गाणे गाऊ !

सीमेवर लढणाऱ्यांचे । मांडीवर जोजवणाऱ्यांचे,

तुझ्या माझ्या मनातील । संवेदनांचे गाणे गाऊ !

तिमिर दूर करणाऱ्यांचे । लख्ख प्रकाश किरणांचे,

तुझ्या माझ्या जाणिवेतील । विवेकाचे गाणे गाऊ..!

हृदयाच्या स्पंदनाचे । नीती मुल्यांच्या जोपासनांचे,

तुझ्या माझ्या काळजातील । जिव्हाळ्याचे गाणे गाऊ..!

बंधू-भावाचे, प्रेमाचे । न्यायाचे, वैश्वीक नात्याचे,

तुझ्या माझ्या अभिमानाचे । लोकशाहीचे गाणे गाऊ !

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री तुकाराम दादा पाटील

 कवितेचा उत्सव 

🇮🇳 आज तिरंगा… 🇮🇳  श्री तुकाराम दादा पाटील … ☆ 

भारत माते नभांगणावर उंच फडकतो आज तिरंगा

मी तेजाचे प्रतीक आहे हेच सांगतो आज तिरंगा

समता ममता प्रेम जिव्हाळा एक दिलाने इथे नांदतो

लोक मतांच्या स्वातंत्र्याचा मान राखतो आज तिरंगा

भविष्य उज्वल घडवायला नव्या योजना अंगिकारतो

क्षितिजा वरती आकांक्षांचे गाव कोरतो आज तिरंगा

सरस्वतीची बांधून पूजा अभिमानाने ज्ञान मिळवतो

खडतर वाटा ओलांडत मग खूप राबतो आज तिरंगा

इतिहासाच्या परंपरांचे वैभव आहे त्याच्या संगे

संस्काराचा अगणीत ठेवा  स्वये राखतो आज तिरंगा

मनासरखे घडवायाचे तर मग राखा बळ ऐक्याचे

भारतियांना आग्रहपूर्वक हेच बोलतो आज तिरंगा

© श्री तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ.ज्योत्स्ना तानवडे

 कवितेचा उत्सव 

☆ !! अमृतगाथा !! ☆ सौ.ज्योत्स्ना तानवडे ☆ 

(अमृत महोत्सवी स्वातंत्र्यदिन सोहळा )

मंगल भूमी पवित्र भूमी अभिमाने वंदू

शौर्य स्फूर्तिची अमृतगाथा उच्चरवे गाऊ ||

थोर वारसा असे लाभला क्रांतिकारकांचा

अभिमानाने ऊर भरतसे आठव वीरांचा

त्यांच्या शौर्या सलाम करुनी उतराई होऊ 

शौर्य स्फूर्तिची अमृतगाथा उच्चरवे गाऊ ||

स्मरण ठेवुनी बलिदानाचे देशहितास जपू

भारतभूची कीर्ति पताका उंच उंच नेऊ 

पांग फेडणे मातृभुमीचे खूणगाठ बांधू

शौर्य स्फूर्तिची अमृतगाथा उच्चरवे गाऊ ||

ध्येय घेऊनि प्रगतीसाठी धाव घेत राहू

जगा जिंकता मानवतेचे भान नित्य ठेवू

यश कीर्तीचे  निशाण अविरत फडकत ते ठेवू

शौर्य स्फूर्तिची अमृतगाथा उच्चरवे गाऊ ||

कला संस्कृती परंपरांची मनी जाण ठेवू

मातृभुमीच्या उध्दरणाचे वाण ओटी घेऊ

पवित्र उज्वल नावलौकिका अखंडीत राखू

शौर्य स्फूर्तिची अमृतगाता उच्चरवे गाऊ||

मंगल भूमी पवित्र भूमी अभिमाने वंदू

शौर्य स्फूर्तिची अमृतगाथा उच्चरवे गाऊ ||

© सौ.ज्योत्स्ना तानवडे

वारजे, पुणे.५८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

 कवितेचा उत्सव 

☆ दोन दिवस…☆ नारायण सुर्वे ☆ 

दोन दिवस…

दोन दिवस वाट पाहण्यात गेले

दोन दुःखात गेले

हिशोब करतो आहे आता किती राहिलेत डोईवर उन्हाळे

शेकडो वेळा चंद्र आला,तारे फुलले,रात्र धुंद झाली

भाकरीचा चंद्र शोधण्यात जिंदगी बर्बाद झाली.

हे हात माझे सर्वस्व,

दारिद्र्याकडे गहाणच राहिले

कधी माना उंचावलेले,

कधी कलम झालेले पाहिले.

हरघडी अश्रू वाहवले नाहीत ,पण असेही क्षण आले

तेव्हा अश्रूंचं मित्र होऊन सहाय्यास धावून आले.

दुनियेचा विचार हरघडी केला असा जगमय झालो

दुःख पेलावे कसे,पुन्हा जगावे कसे,याच शाळेत शिकलो.

झोतभट्टीत शेकावे पोलाद तसे आयुष्य छान शेकले

दोन दिवस वाट पाहण्यात गेले,दोन दुःखात गेले.

 – नारायण सुर्वे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈