Category: कवितेचा उत्सव 2

प्रा डॉ जी आर प्रवीण जोशी

 कवितेचा उत्सव 

☆ पहिला पाऊस… ☆ प्रा डॉ जी आर प्रवीण जोशी ☆

(अष्टाक्षरी)

☆

धुंद मंद गारा वारा

कडाडल्या त्या चपला

झाला अधर अधीर

घननीळ बरसला

*

माती माती कण कण

आलिंगन क्षणक्षण

सौभाग्याचे ते औक्षण

घेत हाती निरांजन

*

शांत झाली प्रेम सृष्टी

होता अनावर वृष्टी

बळीराजा झाला तुष्टी

प्रेमे भरे बीज ओटी

*

प्रेम क्षेम राधा धारा

मोर सृजन पिसारा

देई हाक राधा राधा

झाला कृष्ण का बावरा

*

नवं विध नवं धारा

सप्तरंगी त्याचा तोरा

नवं वधुस भेटता

चिंब चिंब गोरा मोरा

*

नवं रस नवं रूप

आज सृष्टीस लाभले

साता जन्माचे पुण्य

राती रतीस भेटले

☆

© प्रो डॉ प्रवीण उर्फ जी आर जोशी

ज्येष्ठ कवी लेखक

मुपो नसलापुर ता रायबाग, अंकली, जिल्हा बेळगाव कर्नाटक, भ्रमण ध्वनी – 9164557779 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

डॉ. मधुवंती कुलकर्णी 

 कवितेचा उत्सव 

☆ काळजाची सावली… ☆ डॉ. मधुवंती कुलकर्णी ☆

(गझल)

☆

तू दिलेल्या वचनांपुढे फिके पडतात ओठही

काळजाच्या सावलीत निर्धास्त होतो जीवही

 *

वाट पाहून कंटाळली पाखरे दोन डोळ्यांची

जीव आसावला मग भांबावला काहिली मनाची

 *

काळजाची सावली ती लुप्त झाली हृदयातली

सुरु झाली म्हणे अन् संपली माझ्या बहरातली

 *

जीव गमाया लागते सुंदर सुशील गाणे म्हणे

रानटी ऐश्वर्य माझे मी जपते जीवापाड म्हणे

 *

मी निखारे सर्व ॠतुंचे झेलले पदरात माझ्या

अजूनही धूसर वाट धूर करतो पदरात माझ्या

 *

तू नको अगतिक होऊ वैभवाच्या वर्तमानी

जाऊ दे पेटते निखारे सोड तू पदरात माझ्या.

☆

© डॉ. मधुवंती कुलकर्णी

जि.सांगली

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री प्राची जोशी

 कवितेचा उत्सव 

☆ विठुरायाचे नामामृत… ☆ सुश्री प्राची जोशी ☆

☆

जन्मोजन्मी व्हावे वाटे

तुझिया चरणांचा दास

तुझ्याच दर्शनाची ओढ

हीच एक मनी आस

*

उभी ठाकलेली मूर्ती

रूप तिचे अती सुंदर

कर ठेऊनीया कटेवरी

पाय ठाकले विटेवरी

*

वाट पाही हा भक्तांची

असा हा सावळा सुंदर

भक्त असे धावती प्रेमात

आषाढवारीच्या मेळ्यात

*

वाटे असे भक्ताना

वारी घडावी निरंतर

दर्शन व्हावे डोळ्यांना

सुंदर आणि मनोहर

*

वारीची ओढ विलक्षण

भक्त अन देवालाही

भेटणे हे आसुसलेले

माया ही जीवाशिवाची

*

गळाभेट ही विठुरायाशी

द्वैत दोघांमधील संपवी

विठुरायाच्या अंतरीही

विट हलते प्रेमभावाची

*

मनामनात वाजे गजर

विठुरायाचा नामघोष

भक्त असे डोलत राहती

विठूरायाच्या नाममृतात….

विठूरायाच्या नाममृतात….

☆

©  सुश्री प्राची अभय जोशी

मो 9822065666 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री वर्षा बालगोपाल

  कवितेचा उत्सव 

☆ पाऊस – – – ☆ सुश्री वर्षा बालगोपाल ☆

☆

सांगेल मला का कोणी आता पाउस येतो का खाली

काय घडूनी आकाशी या सर जोमाने सरसरली||

 *

भगिरथ यत्ने करता आली स्वर्गाची गंगा खाली

देवांनाही पाणी नुरले तृष्णा त्यांची ना शमली

भू मातेला विनवूनी मग पाणी नेले आकाशी

देवांसाठी भू माता आनंदे उधळे जलराशी||

 *

देवांचीही झाली सुविधा नुरली पाणी कमतरता

ऋण धात्रीचे देण्या त्यांच्या कंठी दाटे भावुकता

धात्रीचे देणे धात्रीला देण्या अर्घ्य तिला दिधले

कलशामधले पाणी भूवर पाउस होउन बघ आले||

* 

देवांची ही करणी सुंदर भूलोकी शिकवण ठरली

तेव्हा पासुन भूलोकी पण अर्घ्य रूढी ही आली||

☆

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. उज्वला सुहास सहस्रबुद्धे

 कवितेचा उत्सव 

☆ दिंडी… ☆ सुश्री उज्वला सुहास सहस्रबुद्धे ☆

(पंचाक्षरी)

☆

 दिंडी चालली,

 दिंडी चालली,

 पंढरपुरी,

 दिंडी चालली!… १

 *

 वारकरी हे,

 धावच घेती!

विठू राउळी,

 वेगे पळती !… २

 *

 दिंड्या पताका,

 पालख्या किती!

 नाचत जाती,

 तीरावरती !… ३

 *

 वैष्णव मेळा,

 नाचतो, गातो!

 विठू चरणी,

 तल्लीन होतो!.. ४

 *

 राही विठ्ठल,

 खूश मंदिरी!

 आनंदे नाचे,

 सारी पंढरी!… ५

 *

 आनंद डोही,

 मनी माईना!

 वारीचे सुख,

 ‌देई जनांना !… ६

 *

 दिंडी चालली.. दिंडी चालली…

☆

© सुश्री उज्वला सुहास सहस्रबुद्धे

वारजे 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

 

  चित्रकाव्य  

ही तर वाहती गंगा !!  श्री आशिष  बिवलकर ☆

☆

नेहमीच येतो पावसाळा,

नेहमीच पडतात खड्डे |

भ्रष्टाचारासाठी वसतात,

रोज नवनवीन अड्डे |

*

रस्त्यात खड्डा की खड्यात रस्ता,

प्रश्न सर्वसामान्यांना पडतो |

प्रवासात धक्के खात खात,

सहनशील नागरिक घडतो |

*

रस्त्यावर खड्डे पडले रे पडले की 

ज्याचे त्याचे मात्र चांगलेच फावते |

आंदोलकांची तोडपाणी एक्सप्रेस,

या खड्ड्यांवरूनच सुसाट धावते |

*

कोणी करी वृक्षारोपण,

कोणी वाढदिवस तिथेच साजरा |

सेटलमेंट झाल्यावर,

कंत्राटदाराला घाली मानाचा मुजरा |

*

मीठापेक्षा पाण्यामध्ये,

डांबर लवकर विरघळते |

रस्ता दुरुस्तीचे टेंडर,

त्याच्यामुळेच तर मिळते |

*

पुण्यातला जंगली महाराज रस्ता,

त्याला फक्त एक अपवाद आहे |

सज्जन कंत्राटदार कायमचा,

पालिकेच्या यादीतून बाद आहे |

*
रस्त्यात पडणारे खड्डे नसून,

विकासकामांची वाहती गंगा आहे |

वाहत्या गंगेत हात धुण्यासाठी,

इकोसिस्टम मधला जो तो नंगा आहे |

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. वृंदा गंभीर

कवितेचा उत्सव

☆ एकादशी वारी… ☆ सौ. वृंदा गंभीर ☆

☆

विठ्ठल विठ्ठल जय हरी विठ्ठल

वारकरी आम्ही पंढरीचे

गळ्यात माळ तुळशीची

हाती पताका पांडुरंगाची

गोडी लागली अभंगाची

विठ्ठल विठ्ठल जय हरी विठ्ठल… 1

*

पाऊले चालती माऊली संगे

नाम मुखी गातो विठुरायाचे

वारकरी तल्लीन भजनात रंगे

ज्याचे घरी वारी पुण्य कुळाचे

विठ्ठल विठ्ठल जय हरी विठ्ठल…. 2

*

डोही तुळस मुखी नाम साजे

विणेकरी मधोमध चाले

टाळ मृदूंग वाजती नागरे

पंढरपूरात वैकुंठ आवतरले

विठ्ठल विठ्ठल जय हरी विठ्ठल… 3

*

रींगणाने शोभा दिंडीत येते

माऊली घोड्यावर स्वार होते

तो नयनरम्य सोहळा पाहावा

पंढरीचा वारकरी व्हावा

विठ्ठल विठ्ठल जय हरी विठ्ठल… 4

*

एकादशी वारी जीवनी घडावी

पांडुरंगा ची आस मनी जडावी

वृंदा विठूच्या चरणी पडावी

विठूने मनीची आस पूर्ण करावी

विठ्ठल विठ्ठल जय हरी विठ्ठल… , 5

 ☆

© सौ. वृंदा पंकज गंभीर (दत्तकन्या)

न-हे, पुणे. – मो न. 8799843148

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्रीशैल चौगुले

 

 कवितेचा उत्सव 

☆ सुंदर विठ्ठल… ☆ श्रीशैल चौगुले ☆

☆

कैसी रे सुंदर ऐसीया रे मुर्ती

विश्वाला रे स्फूर्ती जन्म-मोक्ष.

कुणी केला ऊभा पंढरी भुलोकी

विटेवरी सुखी पांडुरंग.

ऐसीया रे वर्ण सावळा रे काळा

विष्णूच रे भोळा जणू तोची.

धन्य-धन्य भक्त मायावीचा देव

नेत्र स्तब्ध भाव तेजस्वीत.

काय थाट-माठ जप पुजा-पाठ

चंद्रभागे काठ अभंगात.

 ☆

© श्रीशैल चौगुले