सुश्री प्रभा सोनवणे
(आप प्रत्येक बुधवार को सुश्री प्रभा सोनवणे जी के उत्कृष्ट साहित्य को साप्ताहिक स्तम्भ – “कवितेच्या प्रदेशात” पढ़ सकते हैं।)
☆ साप्ताहिक स्तम्भ – कवितेच्या प्रदेशात # 95 ☆
☆ गज़ल ☆
मी जरी नव्हतेच काही ऐनवेळी बोलले
एक दुखरे शल्य होते जे जिव्हारी लागले
मौन तेव्हा पाळले मी बोलले नाही कुणा
अर्थ त्याचे वेगळे अन फार जहरी काढले
काय झाले ते कळेना मीच ठरले वेंधळी
ना गुन्हा घडला परंतू कलम तेही लावले
आर्तता दाटून आली या मनावर नेहमी
हुंदक्यांना दाबताना आसवांना रोखले
भाबड्या आहेत माझ्या कल्पना जगण्यातल्या
आडवाटा टाळल्याने राजरस्ते गाठले
© प्रभा सोनवणे
११ मे २०२१
“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
धन्यवाद हेमंतजी ,बहुत शुक्रिया सर!
सालगिरह मुबारक हो हेमंतजी बावनकर सर⚘??