सुश्री प्रेमा माधव कुलकर्णी
वाचताना वेचलेले
☆ गीतांजली भावार्थ …भाग 21 ☆ प्रस्तुति – सुश्री प्रेमा माधव कुलकर्णी ☆
२८.
पायातला साखळदंड अवजड असतो.
तो तोडायचा प्रयत्न मी करतो.
तेव्हा ह्रदयात कालवाकालव होते.
मला स्वातंत्र्य हवं पण त्याची हाव धरणं
मला लाजिरवाणं वाटतं.
हे माझ्या मित्रा, तुझ्याकडे अमाप संपत्ती आहे.
पण माझ्या दालनातला पातळ पडदा
दूर करण्याचं बळ माझ्यात नाही.
धूळ आणि मृत्यू
यांचं आवरण असलेलं हे वस्त्र-
याचा मला तिरस्कार असला तरी प्रेमानं
मी ते लपेटून घेतलंय.
माझ्यावर कर्जाचा बोजा असून
मी अंध: पतित आहे.
माझी लज्जा बोजड पण लपलेली आहे.
पण माझ्या उध्दाराची प्रार्थना करताना
मला भिती वाटते की
माझी प्रार्थना मान्य करशील.
मराठी अनुवाद – गीतांजली (भावार्थ) – माधव नारायण कुलकर्णी
मूळ रचना– महाकवी मा. रवींद्रनाथ टागोर
प्रस्तुती– प्रेमा माधव कुलकर्णी
कोल्हापूर
7387678883
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
