श्री अशोक श्रीपाद भांबुरे
☆ साप्ताहिक स्तम्भ – अशोक भांबुरे जी यांची कविता अभिव्यक्ती # 93 ☆
☆ गुढी उभारू दारी ☆
नववर्षाचे स्वागत करुया गुढी उभारू दारी
गुढीस साडी नेसवलेली होय पैठणी कोरी
अंधाराची सुटका करण्या अवतरली ही स्वारी
एक सूर्य अन् दिशा उजळल्या धरतीवरच्या चारी
सडसडीत ह्या युवती साऱ्या साड्या नेसुन भारी
सज्ज स्वागता उभ्या ठाकल्या घरंदाज ह्या पोरी
गुढी बांधली नववर्षाची बळकट आहे दोरी
प्रसादात या लिंब कोवळे गूळ आणखी कैरी
चौदावर्षे वनवासाची सजा संपली सारी
आयोध्याच्या नगरीमधले हर्षलेत नर नारी
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
