श्री अशोक श्रीपाद भांबुरे
☆ साप्ताहिक स्तम्भ – अशोक भांबुरे जी यांची कविता अभिव्यक्ती # 104 ☆
☆ पावलांचे ठसे ☆
कालच तर
आपल्या सुखी पावलांचे ठसे
विस्तीर्ण सागरी किनाऱ्यावर
मखमली वाळूत
एकमेकांना मिठ्या मारत होते
सागरातून चार लाटा काय येतात
मिटवू पाहतात सारं अस्तित्व
पण त्यांना माहीत नाही
ते ठसे आम्ही डोळ्यांत जतन केलेत
आयुष्यभरासाठी
ते शोधण्यासाठी
आता समुद्र किनारी यायची गरज नाही
कोरलेत ते काळजाच्या आत
समुद्रा पेक्षा मोठा तळ आहे त्याचा
आमच्या दोघांखेरीज
तो तळ कुणालाच दिसणार नाही
तुम्ही आत उतरायचा प्रयत्न करू नका
बरमूडा ट्रायंगल सारखी परिस्थिती होईल
म्हणूनच सांगतो
तुम्ही तुमच्या जगात रहा
आम्हाला आमच्या जगात राहुद्या
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
