मराठी साहित्य – वाचतांना वेचलेले ☆ संवाद…  – कवी : अज्ञात ☆ प्रस्तुती – सौ. शीतल कुलकर्णी ☆

☆ संवाद…  – कवी : अज्ञात ☆ प्रस्तुती – सौ. शीतल कुलकर्णी ☆

☆

संवाद कुठे हरवले?

इकडे तिकडे शोधून पाहिले

नाही कुठे सापडले

अरेच्चा !

हे तर मोबाईलमध्ये जाऊन बसले.

*

बोटांना काम मिळाले

तोंडाचे काम कमी झाले

शब्द मुके झाले

मोबाईलमध्ये लपून बसले

 *

‘हाय’ करायला मोबाईल

‘बाय’ करायला मोबाईल

GM करायला मोबाईल

GN करायला मोबाईल

*

शुभेच्छांसाठी मोबाईल

‘भावपूर्ण श्रद्धांजली’ साठीही मोबाईल

खरेदीसाठी मोबाईल

विक्रीसाठी मोबाईल

नाटक, सिनेमांची तिकिटं मोबाईलवर

बस, ट्रेन, विमानाची तिकिटं मोबाईलवर

शाळा, कॉलेजची फी मोबाईलवर

डॉक्टरांची फी मोबाईलवर

*

वेळंच नाही येत आता दुस-यांशी बोलण्याची

बोलता बोलता चेह-यावरचे भाव टिपण्याची

वेगवेगळ्या ‘इमोजी’ धावून येतात मदतीला

दुधाची तहान ताकावर भागवायला

*

आता शब्द कानांना सुखावत नाहीत

आता शब्द ओठांवर येत नाहीत

आता शब्द कोणी जपून ठेवत नाही

आता शब्द-मैफल कुठे भरतच नाही

*

मोबाईलवरील संवादाला अर्थ नाही

प्रत्यक्ष संवादातील मौज इथे नाही

आभासी जगातले संवादही आभासी

अशा संवादांचा आनंद नाही मनासी

*

या आभासी संवादांना मूर्त रूप कधी मिळेल का?

नक्की सांगा माणूस खरंच ह्रुदयापासुन संवाद साधेल का ?

 ☆

कवी: अज्ञात

प्रस्तुती :सौ. शीतल कुलकर्णी

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈