सौ. दीपा नारायण पुजारी
वाचताना वेचलेले
☆ सार्थक… – कवी: डॉ. श्रीकृष्ण जोशी ☆ प्रस्तुती – सौ. दीपा नारायण पुजारी ☆
☆
काळीज किती गलबलले
हातांची थरथर बघता
तो भास्कर ऐन दुपारी
क्षणमात्र थांबला होता ll
*
हे भागधेय नियतीने
तव लिहिले होते भाळी
स्पंदने मनातील तुझिया
मग शोधू लागल्या ओळी ll
*
मंदिरी ध्वनी घंटांचे
जाणीव जागवित होते
शतकांच्या संघर्षाला
रुधिराचे शिंपण होते ll
*
कोटी कोटी हिंदु हृदयांना
ध्वज भगवा परम पवित्र
ती मने जोडण्यासाठी
मी झालो निमित्तमात्र ll
*
काही न येथले माझे
करुणाघन तुम्ही सारे
मी बिंदू सागरतळीचा
तुम्ही गगनामधले तारे ll
*
मन भरून आले जेव्हा
ध्वज गगना जाऊन भिडला
उद्घोष दशदिशांना गेला
जाहला स्पर्श क्षितिजाला ll
*
तम सरले दुर्दिन गेले
आनंद नव्या विश्वाला
जोडले हात थरथरले
हा देह सार्थकी झाला ll
☆
कवी : डॉ. श्रीकृष्ण जोशी
प्रस्तुती : सौ. दीपा नारायण पुजारी
इचलकरंजी
फोन नं : 9665669148 ईमेल : deepapujari57@gmail.com
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
