मराठी साहित्य – मराठी कविता ☆ कवितेच्या प्रदेशात # २९५ ☆ तुझ्या साठीच… ☆ सुश्री प्रभा सोनवणे ☆

सुश्री प्रभा सोनवणे

कवितेच्या प्रदेशात # २९५

☆ तुझ्या साठीच… ☆ सुश्री प्रभा सोनवणे ☆

☆

ही माझी अखेरची कविता…

असेल कदाचित,

मन उगाचच हळवं होतं,

आत्मपरीक्षण करत—

आठवत राहतंय,

भूतकाळ!

खूप रडू कोसळतंय,

स्वतःतून उगवल्या असंख्य कविता,

अगदी प्रामाणिक होत्या त्या,

तुला कळल्याच नाहीत,

तू ,

आयुष्याचा अध्याय !

तुझ्याशिवाय—

अस्तित्वहीन मी,

हे मला तरी कुठं समजलं ?

आधे आधुरेच आहोत आपण,

एकमेकांशिवाय,

हे समजण्यात,

केवढा मोठा कालखंड पार केला…

आज हा फोटो पाहिल्यावर,

जाणवलं,

परतीच्या वाटेवर,

आपण दोघेही आहोत….

आणि ही माझी अखेरची कविता —

तुला न कळणारी….

माझ्या सारखीच!!!

☆

© प्रभा सोनवणे

संपर्क – “सोनवणे हाऊस”, ३४८ सोमवार

पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- sonawane.prabha@gmail.com

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈