कविराज विजय यशवंत सातपुते
कवितेचा उत्सव # २७५ – विजय साहित्य
☆ द्राक्ष…! ☆
(अष्टाक्षरी)
☆
द्राक्ष कोल्ह्यासी आंबट
आजी सांगायची मला
द्राक्ष आवडीचे फळ
पाहू बाग मळा चला.
*
बिया नसलेले द्राक्ष
वाटे रत्न अनमोल
किती खाऊ किती नको
द्राक्ष फळ लंबगोल.
*
बाग द्राक्षाची पाहून
पाणी सुटते तोंडाला
काळी,लाल,हिरवीशी
घोस लोंबती वेलाला.
*
तासगांव नाशिकची
पहा द्राक्षे चवदार
रोग प्रतिकार शक्ती
असे गुणकारी फार.
*
डोळे,हृदयाच्यासाठी
आहे द्राक्ष गुणकारी
द्राक्षासव,ताजारस
असे मात्रा गुणकारी.
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
