सुश्री प्रभा सोनवणे
कवितेच्या प्रदेशात # ३१०
☆ आशा भोसले… ☆ सुश्री प्रभा सोनवणे ☆
☆
आशा भोसले आहेत आजही–
गाण्याच्या लकेरी देताहेत साक्षी !
जन्मताच ऐकली कितीतरी गाणी,
नाचरे मोरा आंब्याच्या वनात…
ते..चंदाराणी का गं दिसतेस थकल्यावाणी!
आयुष्याच्या प्रत्येक टप्प्यावर,
खूप जवळचे वाटले आशाचे गाणे
..
एका तळ्यात होती..
मी मज हरपून बसले गं..
केव्हा तरी पहाटे…
उषःकाल होता होता..
परवशता पाश ज्यांच्या….
युवती मना….
आशा भोसले नित्य नवी !!
आयुष्यातल्या सर्व भावना
त्या स्वरातून व्यक्त झाल्यात!
मग बुगडी माझी सांडली चा
ठसका असो की,
ब्रह्मा विष्णू आणि महेश्वर चा भक्तिभाव!
ही वाट दूर जाते….चा आशावाद ,
आणि
जीवलगा राहिले रे दूर घर माझे…..चे आर्त स्वर!
आशा काळजात रुतून बसलेली !
आशा इथेच आहे….
वो हसीन दर्द दे दो जिसे मैं
गले लगे लगा लूं….म्हणणारी !
एक आर्त विराणी–
काळाच्या पडद्याआड..
तरीही…
चिरंजीवी..चिरंतन!!!
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
