स्मिता सुहास पंडित
वाचताना वेचलेले
☆ “व्हाट्सऍपची काठी” – कवी : अज्ञात ☆ प्रस्तुती – स्मिता सुहास पंडित ☆
☆
उतार वयात मिळाली
व्हाट्सऍपची काठी !
कपाळावरची मिटली
आपोआप आठी !
वेळ कसा जातो आता
हेच कळत नाही !
वर्तमान पत्राचं पानसुद्धा
हल्ली हलत नाही !
चहा पिताना लागतो
व्हाट्सऍप हाताखाली !
डाव्या बोटाने हलके हलके
मेसेज होतात वरखाली !
कुणाचा वाढदिवस आहे ?
कोण आजारी आहे ?
कोण चाललंय परदेशात
अन काय घडतंय देशात ?
कधी लताची जुनी गाणी तर
कधी शांताबाईंची कविता !
बसल्या बसल्या डुलकी लागते
कधी एखादी गझल समोर येते !
टीव्हीवरचं चॅनेलसुद्धा
हल्ली बदलत नाही
व्हाट्सऍपशिवाय आमचं
पान जरासुद्धा हलत नाही !
वय जरी होत चाललं
हातपाय जरी थोडे थकले !
तरी व्हाट्सऍपच्या औषधाने
मन मात्र रिलॅक्स झाले !
आता फार काळजी करत नाही
आता चिडचिडसुद्धा होत नाही !
व्हाट्सऍपचा मित्र भेटल्यापासून
आता मनातसुद्धा रडत नाही !
आनंदी कसे जगायचे याचे
आता कळले आहे तंत्र !
व्हाट्सऍपच्या या जादूच्या
काठीने दिला सुखाचा मंत्र.
☆
कवी : अज्ञात
प्रस्तुती : सौ. स्मिता सुहास पंडित
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
