सुरेखा चिखलकर
कवितेचा उत्सव
☆ अक्षर स्पर्श… ☆ सुरेखा चिखलकर ☆
☆
नजरेचा स्पर्श व्हावा
अक्षरांनी जन्म घ्यावा,
जणू क्षणांच्या साखळ्या
कागदावर विसावा…
*
उघडावी पांघरूण
पानं ओठी हसू देई,
जणू दडलेलं दुःख
पानांनी हलकं होई…
*
दीर्घ विरहानंतर
वितळून जावे ओझं,
मनातील पानात या
जतन केलेले गूज…
*
काटे वेळेचे मोजले
दिस-रात्र सोबतील,
अक्षरांना गंध आला
शब्द पुन्हा फुलतील…
🙏
© सुरेखा महिपती चिखलकर
गोटखिंडी, तालुका वाळवा
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
