मराठी साहित्य – साप्ताहिक स्तम्भ ☆ कवितेच्या प्रदेशात # 82 – घर माझे …. ☆ सुश्री प्रभा सोनवणे

सुश्री प्रभा सोनवणे

(आप  प्रत्येक बुधवार को सुश्री प्रभा सोनवणे जी  के उत्कृष्ट साहित्य को  साप्ताहिक स्तम्भ  – “कवितेच्या प्रदेशात” पढ़ सकते  हैं।)

☆ साप्ताहिक स्तम्भ – कवितेच्या प्रदेशात # 82 ☆

☆ घर माझे …. ☆

माझ्या साठी जागे असते घर माझे

मी येण्याची वाट पाहते घर माझे

घरी परतण्या उशीर होता धुसफुसते

रागावूनी धाक दावते घर माझे

या हाताची चव सांभाळी सर्वांना

आस्वादाने भरुन पावते घर माझे

पेल्यामधली वादळे, कधी वावटळी

शांतपणाने सर्व साहते घर माझे

अवगुण विसरत,जीव लावते कुणा कुणा

माणुसकी चा भार वाहते घर माझे

माझे माझे करत साजरे करताना

कधी मला ही बेघर करते घर माझे

© प्रभा सोनवणे

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈