मराठी साहित्य – साप्ताहिक स्तम्भ ☆ कवितेच्या प्रदेशात # 92 ☆ सावळ बाधा ☆ सुश्री प्रभा सोनवणे

सुश्री प्रभा सोनवणे

(आप  प्रत्येक बुधवार को सुश्री प्रभा सोनवणे जी  के उत्कृष्ट साहित्य को  साप्ताहिक स्तम्भ  – “कवितेच्या प्रदेशात” पढ़ सकते  हैं।)

☆ साप्ताहिक स्तम्भ – कवितेच्या प्रदेशात # 92 ☆

☆ सावळ बाधा ☆ 

(वृत्त-वररमणी)

हे गोविंदा तुझ्याच साठी जन्म घेतला नवा कितीदा या भूमीवरती

अवचित आले भान असे की,तशीच आहे विरहवेदना याही जन्मांती

वादळवेडी अभिसाराची प्रतिमा आहे तुझ्या प्रीतिच्या डोहामधली मी

अनंत वेळा तुझीच झाले,घरदाराला सोडुन सारे कोळुन प्यालेली

या देहाच्या किती कामना, अभिलाषा की म्हणू मागण्या तारूण्याच्या या

पिसे लागले तुझे जिवाला या संसारी चित्त रमेना जळते ही काया

श्रीरंगा मी तुझीच राधा जन्मोजन्मी एकच बाधा श्यामल रंगाची

तुझे सावळे रूप मनोहर पुरुषोत्तम तू माझा ईश्वर व्याख्या प्रेमाची

© प्रभा सोनवणे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈