मराठी साहित्य – चित्रकाव्य ☆ (अ) शांती दूत! ☆ श्री प्रमोद वामन वर्तक ☆

श्री प्रमोद वामन वर्तक  

?️?  चित्रकाव्य  ?️?

☆ (अ) शांती दूत! ☆ श्री प्रमोद वामन वर्तक ☆

☆

शांतीदुताच्या अस्तित्वावरून

जणू युद्ध पेटले

अहिंसेचे पुजारी हाती

शस्त्र धरू म्हणू लागले

*
स्वर्गी भगवान महावीर

अश्रूपात करू लागले 

महानगर पालिकेने

आता कबुतरखानेच झाकले

☆

© प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610 

मो – 9892561086 ई-मेल – pradnyavartak3@gmail.com

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “निळे स्वप्न” ☆ श्री दयानंद घोटकर ☆

श्री दयानंद घोटकर

? कवितेचा उत्सव ?

☆ निळे स्वप्न… ☆ श्री दयानंद घोटकर☆

☆

निळे स्वप्न

कृष्ण होतो आम्ही 

होते बासरी लेखणी

राधेची शायरी

निळ्या रंगात देखणी…

तना मनात कृष्ण

हृदयातही कृष्ण

शब्द निळा निळा

त्यात अवतरे श्रीकृष्ण

सात सुरांचे थरावर थर

हंडी सुरांची आज्ञाचक्रात 

आलाप तान ध्यान

संपन्न तारसप्तकात…

सुरतालांच्या प्रेमाची

रासलीला गोकुळात

निळे नादब्रह्म संचारते

साऱ्या देहादेहात …

स्वरांचे इंद्रधनु

स्वप्निल नयनी

राधेची पुकार

त्या सावळ्या गगनी…

एका राधेची

अधूरी कहाणी

युगे युगे ओठावर

राधा कृष्णाची गाणी….

एक श्वास भक्तीचा

एक ध्यास प्रेमाचा

रंगलेले आवर्तन

निळा खेळ अद्वैताचा…

☆

© श्री दयानंद घोटकर (प्रेमकवी)

संपर्क – तावरे काॅलनी.सातारा रोड.पुणे

मो 9822207068

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ वसा… ☆ प्रा तुकाराम दादा पाटील ☆

श्री तुकाराम दादा पाटील

? कवितेचा उत्सव ?

☆ वसा… ☆ प्रा तुकाराम दादा पाटील ☆

☆

सोंग सजवणे जमले नाही

मन तेथे ही झटले नाही

*

वसा घेतला जनसेवेचा

तेच व्यसन मग सुटले नाही

*

हवे तेवढ्या धावपळीने

मन केंव्हाही शिणले नाही

*

लक्षठरवले अजिंक्य व्हावे

मनाप्रमाणे घडले नाही

*

अवघड जगणे केले सोपे

म्हणून कोठे अडले नाही

*

भाळा वरती भाग्य कोरले

पण ते केंव्हा दिसले नाही

*

रान पाखरू भिरभिरणारे

थव्यात कुठल्या घुसले नाही

*

रामायण तर वाचून झाले

राम पचवणे जुळले नाही

*

स्वाभिमान तो प्राण वाटतो

पण मीपण ही सरले नाही

*

जगलो जगणे परावलंबी

स्वतंत्र घरटे विनले नाही

*

कळले नश्वर जगणे आहे

मग मरणाने छळले नाही

☆

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ तोच एक सावळा… ☆ सुश्री प्राची जोशी ☆

सुश्री प्राची जोशी

? कवितेचा उत्सव ?

☆ तोच एक सावळा… ☆ सुश्री प्राची जोशी ☆

☆

विठ्ठलाचे हे रूप,

असे सावळे सुंदर…

गळा तुळशीमाळ अन्,

कासे पितांबर…

*

रूप सावळे साजिरे की,

भास होतसे कान्हाचा….

दोन्हीं तयाचीच रूपे,

वेध घेतसे मनाचा….

*

मन सावळे नी ही,

हा देहही सावळा….

कटीवर हात ठेऊनी,

वाही भार विश्वाचा….

*

भक्त असे हे वेडे,

होती तुझ्यात दंग….

मुखावर तुझ्या शोभे,

हा कस्तुरीचा गंध….

*

सावळ्याची मोहिनी,

भिनली ध्यानी मनी….

देहात असूनी विदेही,

ही संवेदनाच न्यारी….

*

जो तो घेई अशी,

तुझ्या चरणाशी धाव….

पाव आता विठ्ठला,

आर्त झाला भाव…..

*

विठ्ठला बा विठ्ठला,

धाव पाव आता…

भक्तांच्या मेळ्यामध्ये,

तूच एक सावळा…..

तूच एक सावळा…..

☆

©  सुश्री प्राची अभय जोशी

मो 9822065666 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ हु र हू र! ☆ श्री प्रमोद वामन वर्तक ☆

श्री प्रमोद वामन वर्तक

? कवितेचा उत्सव ? 

🦚👧🏻 हु र हू र! 👧🏻 🦚 ☆ श्री प्रमोद वामन वर्तक ⭐

(“वेध माहेराचे” या आधीच्या कवितेत म्हटल्या प्रमाणे, नव्या नवरीला श्रावणात माहेरी जाण्याचे वेध तर लागतात, पण एकदा माहेरी आल्यावर नवऱ्याची आठवण पण छळायला लागते! तेंव्हा तिच्या मनांतले विचार कसे असतील ते सांगायचा प्रयत्न खालील कवितेत केला आहे! 🙏)

☆

नाही उतरली अंगाची

ओली हळद अजून,

आले धावत माहेरी

पहिल्या सणवारी सजून!

*

भेटता माहेरवाशिणी

मज मनी झाला हर्ष,

तरी अंग थरारे आठवून

पहिला ‘त्यांचा’ स्पर्श!

*

सख्या साऱ्या करती

माझीच थट्टा मस्करी,

मी मग हासून वरवर

विरह झाकतसे उरी!

*

आता संपताच श्रावण

जाईन धावत सासराला,

जाण्या मिठीत रायाच्या

जीव माझा आसुसला!

जीव माझा आसुसला!

☆

© श्री प्रमोद वामन वर्तक

०२-०८-२०२५

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610 

मो – 9892561086 ई-मेल – pradnyavartak3@gmail.com

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ कृष्णस्पर्श ☆ सुश्री नीलिमा खरे ☆

सुश्री नीलिमा खरे

? कवितेचा उत्सव ?

☆ कृष्णस्पर्श ☆ सुश्री नीलिमा खरे ☆

☆

निळी सावळी कोमल कांती मनमोही मोहना

हृदयात आस कळावी मनास निर्मोही साधना

*

शिरी मयुराचे पीस लेवुनी मूर्ती दिसे गोजिरी

रेखियले परी रूप अंतरी निर्गुण प्रत्ययकारी

*

काळीज करते कायम केवळ तव कृपेचा धावा

हवाहवासा भास निरंतर आसपास माधवा

*

जळात नभात नितळ निर्मळ अथांग अंतरंग

सांज सकाळी चितारलेस तू सावळझावळ रंग

*

अती दयाळू तू कनवाळू केलीस कृपा अनंता

अधरीचा मंजुळ मुरलीरव निनादतो आसमंता

*

उदास गाभारा हृदयाचा समीपतेने उजळला

कर्माद्वारे मजला केशवा तू मोक्षमार्ग दाविला

*

बालपणीचा कृष्ण कन्हैया तुझ्या मनी माया

इहलोकी अवतार तुझा विश्वरूप दाखवाया

☆

© सुश्री नीलिमा खरे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ पाटील… ☆ श्री हरिश्चंद्र कोठावदे ☆

श्री हरिश्चंद्र कोठावदे

? कवितेचा उत्सव ?

☆ पाटील… ☆ श्री हरिश्चंद्र कोठावदे ☆

☆

बारा वस्त्या

 ऐसपैस पांगलेले

 बारा बलुत्याचे गाव

 सूत्री एका ओवलेले

*

 गाव पाटलाचा वाडा

 उंच दूरच्या डोंगरी

 याच्या घारीच्या डोळ्यात

 गावासवे पंचक्रोशी

*

 सारा डोंगर चढून

 गाववारी येई दारी

 हीना दीना रावरंका

 न्याय, हक्काची पंढरी

*

 गावातील गल्ल्याबोळ

 घरे सारी उरावर

 साऱ्या गावची पालखी

 नित्य याच्या खांद्यावर

*

 दारी टांगलेली घंटा

 अपरात्रीही ठणाणे

 येता दारी आगंतुक

 कधी दूरचे पाहुणे

*

 लमाणांचे तंबू कधी

 चक्क याच्या अंगणात

 दाही दिशांची भ्रमंती

 घडे एकाच रात्रीत

*

 खाजगी न अश्रू आता

 खाजगी न खेद खंत

 याचा एकान्त विलीन

 गावच्याच लोकान्तात

*

 गाव रात्रीच्या कुशीत

 जागा पाटील अजून

 गावमाउलीच्या कंठी

 येई अंगाई दाटून

*

 हाडामांसाचा पाटील

 मूर्त एक दंतकथा

 सरलेले सारे द्वैत

 माथा पायथ्याचे आता!

☆

© श्री हरिश्चंद्र कोठावदे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ सांगा हे खोटे की खरे!! ☆ सुश्री नीलांबरी शिर्के ☆

सुश्री नीलांबरी शिर्के

?️?  चित्रकाव्य  ?️?

? सांगा हे खोटे की खरे!! ?  सुश्री नीलांबरी शिर्के ☆

☆

ज्या पावलांनी आपण चालतो

ज्या पावलावर शरीर तोलतो

उठल्या उठल्या त्या पायावर

एकदा तरी मस्तक टेकवा

*

एकदा करणं जमलं की

रोज चार पाच वेळा टेकावे 

आपलेच मस्तक आपले चरण

भार वाहती म्हणून आभार हवे

*

वाचा आणि करून पहा

शरिरी येईल उत्साहाचे वारे

कंबर पोटाच स्थौल्य म्हणेल

आपण दूर गेलेलेच बरे..

*

सांगा हे खोटे की खरे!

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “हे कान्हा” ☆ सुश्री शीला पतकी ☆

सुश्री शीला पतकी 

? कवितेचा उत्सव ?

☆ “हे कान्हा” ☆ सुश्री शीला पतकी ☆

☆

हे कान्हा तू जाऊ नको ना माझ्या दारावरूनी.

चाहूल तुझी मज सहज लागते

केवळ पायरवानी//

*

दारावरून तुझी सावली स्पर्शूनी ती मम जाते /

देह शहरत डोळ्यामधूनही अश्रुधार बरसते //

*

नाही दिसत मज तुझी छबी ती दर्शन ना मज होते /

नेत्रामध्ये तूच दिसतसे हृदयामध्ये तूच वसतसे तुझे विस्मरण ना होते//

*

तव देहाला स्पर्शून येती गंभयुक्त ते वारे /

उगा मनाला करीती आतुर ओढ लावती ना रे//

*

धावत भरभर मीही जाते नजर शोधत रहाते/

कुठे कान्हा असेल माझा मन हे बावरे होते//

*

कान्हा मज तू व्यापून गेला मनात तू जनात तू/

हृदयात असतो तुझाच वास श्वासामधला प्राणसखा तू //

*

क्षणभरचा ना विरह सोसतो

तुझ्या विना जीव व्याकुळ होतो//

*

तुझे नी माझे अद्वैत घडावे

तुझ्या मध्ये मी मला पहावे

प्रभु चरणी तव समर्पित मी

जीवन माझे सार्थक व्हावे//

☆

© सुश्री शीला पतकी

माजी मुख्याध्यापिका सेवासदन प्रशाला सोलापूर 

मो 8805850279

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ शून्य… ☆ श्री अनिल वामोरकर ☆

श्री अनिल वामोरकर

? कवितेचा उत्सव ?

☆ शून्य… ☆ श्री अनिल वामोरकर ☆

☆

शून्य

शून्य इवलेसे

पुर्णत्वही देते

वाचे उच्चारीता

अपूर्णत्व वाटते…

*

यावे पुर्णत्व

व्हावे जीवन सार्थक

पूर्ण आणि शून्य

संज्ञा दोन अर्थ एक..

*

जीवनाच्या गणितात

शून्यचि हवे शेवटास

त्याशिवाय आहे का?

वाव नवनिर्मितीस…

*

रितं असेल

तरच भरेल

अमृतकुंभ

मानव तेव्हाच तरेल..

*

शून्यत्व हेचि पुर्णत्व

पुर्णत्व हेचि शून्यत्व

साधनेचे सोपान चढता

एकरूप होवू त्या वैश्विक शून्यात…

☆

© श्री अनिल वामोरकर

अमरावती

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares