श्री तुकाराम दादा पाटील
कवितेचा उत्सव
☆ मर्मबंध… ☆ प्रा तुकाराम दादा पाटील ☆
☆
मी जे जगलो त्याचा हा तर मर्मबंध आहे
या गझलेचा अर्थ पसारा लांबरुंद आहे
*
साध्य साधना करून येथे पूर्ण कर्म केले
निवांत झाल्या देहकुडीचा श्वास मंद आहे
*
काळजातल्या कथाव्यथांचे स्तोम खूप झाले
त्याच सुखाच्या आठवणींचा मंद गंध आहे
*
संसाराच्या धकाधकीची रीत छान साधी
जगणे तेथे कालक्रमाने जेरबंद आहे
*
स्वैरपणाने भटकायाची शांत वेळ नाही
वातावरणातील जराशी हवा कुंद आहे
*
जमेल तितकी अध्यात्माची साथ घेत जावी
तप करण्याला सोबत तुमच्या संतवृंद आहे
*
स्वतंत्रतेचा आज जमाना फार ठारवेडा
जगात आता जगणे म्हणजे मुक्त छंद आहे
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
ये फुली तू सदाफुली गं… 
