Category: कवितेचा उत्सव 2

सौ. किरण ढवळे बावनकर

 कवितेचा उत्सव 

☆ विठ्ठला तू नाथ... ☆ सौ. किरण ढवळे बावनकर ☆

☆

विठ्ठला तू नाथ पंढरीचा

युगे अठ्ठावीस

विटेवरी तू उभा ॥१॥

*

रखुमाई माय माऊली आमची

आम्हा लेकरांवर नेहमी

कृपा असू दे मायेची ॥२॥

*

चंद्रभागेच्या तिरी वसली आहे

माझी पंढरी

जणू गंगा वाहे पंढरपुरातूनी

*

तुळशीमाळ घालुनी गाळ्यामंदी

भजन तुझे गाउनी

तुझ्या भेटीला पाऊली चालत येतो वारकरी…

*

कार्तिक एकादशी जणु सण आमचा वारकऱ्यांसाठी

टाळ, वीणा आणि मृदुंगाच्या नादावर

नाचते माझ्या हरीची पंढरी

*

पांडुरंगा तुझ्या नामाची गोडी लागे मनी

जय जय विठ्ठल जय हरी विठ्ठल

हेच भजन माझ्या ओठांवरी

☆

© सौ. किरण ढवळे बावनकर

मणीकोंडा, रंगा रेड्डी डिस्ट्रिक्ट, हैदराबाद, तेलंगाना

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

  चित्रकाव्य  

वाढलेला मुक्काम – चित्र एक.. काव्ये दोन श्री प्रमोद वामन वर्तक आणि सुश्री नीलांबरी शिर्के ☆

☆

श्री प्रमोद वामन वर्तक

(१ )

फराळ खाऊन झाला 

तरी नाव घेत नाहीस जायचं,

बारा महिने तुझ्यासवे 

सांग कसं बरं जगायचं ?

*
रोजच सांजवेळी भिजवण

आम्हाला नाही आवडायचं,

तुझ्या संगतीत किती दिवस 

आम्ही आजारी पडायचं ?

*

मान्य आहे आमच्यामुळेच 

सारं ऋतुचक्र बदललंय,

पण आता तरी खरं सांग 

मुक्काम हलवायचं कधी ठरलंय ?

*

कवी : श्री प्रमोद वामन वर्तक

मानपाडा, ठाणे पश्चिम ४००६१०, मोबाईल – ९८९२५६१०८६

☆

सुश्री नीलांबरी शिर्के

(२)

आवडतो तु म्हटले होते

चुकले का रे !

*
सगळ्या ॠतूतच तुझे येणे

नको नको रे !

*

उन्हाळा हिवाळा ॠतूही

आहेत गरजेचे रे !

त्यांच्यावरती कुरघोडी तव

नको नको रे !

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री सुहास रघुनाथ पंडित

 कवितेचा उत्सव 

☆ तूच... ☆ श्री सुहास रघुनाथ पंडित ☆

☆

तू

 

तू विचारलस, ” काय पाहिलंस माझ्यात ?”

 

तूच सांग, काय पाहतो आपण

पौर्णिमेच्या चांदण्यात?

श्रावणातल्या सरीत?

इंद्रधनुच्या सप्तरंगात?

 

तुझ्या डोळ्यांच्या डोहात पाहतोय

माझ्या स्वप्नांच प्रतिबिंब

तुझ्या सहवासाच्या जाणीवेत फुलतोय

माझ्या मनाचा गुलमोहर

तुझ्या स्मिताच्या हिंदोळ्यावर हेलकावतोय

माझ्या मनाचा पक्षी

तुझा प्रत्येक पदन्यास जणू माझ्या

जीवन पथावरील नाजूक नक्षी

आणि तरीही तू विचारतेस

” काय पाहिलंस माझ्यात?”

सारं काही स्पष्ट दिसेल

जर पाहिलंस माझ्या मनाच्या दर्पणात

सर्वत्र तूच माझ्या मनात

कणाकणात

रोमारोमात

☆

© श्री सुहास रघुनाथ पंडित 

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

प्रा. सौ. सुमती पवार

 कवितेचा उत्सव 

☆ भरून हे आले नभ… ☆ प्रा. सौ. सुमती पवार ☆

☆

भरून हे आले नभ सावळे सावळे

टपटप पडतात मोती नि पोवळे

किरणात चमकती मोतियांच्या माळा

थुईथुई नाचतो हो पिसाऱ्यात डोळा…

*

सावळीच तनू तुझी सावळाच रंग

करू नको समाधी तू माझी पहा भंग

मोत्यासम चमकती तुझ्या दंतपंक्ती

मोरासम चमकती पहा तुझे रंग…

*

नभावाणी कुंतल ते सावळे करडे

काजळ तू घालू नको मोह नको गडे

चमकते विज अंगी पाहताच तुला

सुंदर तू आहे किती मला पडे कोडे…

*

चपळ तू आहे वीज नभात कडाडे

हालतात क्षणातच ढगांची बिऱ्हाडे

पांगापांग होई सारी नभ होई निळे

सावळीशी प्रभा तुझी नभात मग पडे…

*

तुझ्याकडे पहावे की नभाकडे पाहू

वेड लागे नभालाही वाटे इथे राहू

होतो काळाकरडा नि बघत राहतो

आरशात नभाच्या तो तुलाच पाहतो..

☆

© प्रा.सौ.सुमती पवार 

नाशिक

मो. ९७६३६०५६४२; ईमेल – svpawar6249@gmail.com

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

प्रा. भरत खैरकर

 कवितेचा उत्सव 

☆ अमृत गारवा… ☆ प्रा. भरत खैरकर ☆

☆

देही यौवन दाटले

तुडुंबली आत आग

कसा वेडा तू सजना

रात्र तरी पुरी जाग!

*

फुटे देहाच्या डहाळी

कंच हिरव्या असोशी

माथ्यावरचे आभाळ

तुझी पहाते कसोटी!

*

घे रे वेढूनी हा देह

शिंप अमृत गारवा

ह्या क्षणाला फुटू दे

एक अंकुर हिरवा!

☆ 

© प्रा. भरत खैरकर

संपर्क – बी १/७, काकडे पार्क, तानाजी नगर, चिंचवड, पुणे ३३. मो.  ९८८१६१५३२९

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. रेणुका धनंजय मार्डीकर

  चित्रकाव्य  

हरसिंगारी तू फुलवंती (रातराणी) सौ.रेणुका धनंजय मार्डीकर ☆

(वृत्त : नववधू… ध्रुवपद दोन चरण 2+8+6=16, अंतऱ्याचे पहिले तीन चरण 8+8=16, अंतऱ्याचे मेळाचे चरण 2+8+6=16) 

☆

ती कलिका झाली धुंद अशी

अन् सलगी करते वाऱ्याशी ||ध्रु||

*
चमचमणारे गगनी तारे

धरणी वरती आले सारे 

वेलीवरती दिसती न्यारे

ही कोमल सुमने तमनाशी

अन् सलगी करती वाऱ्याशी ||1||

*
श्वेत चांदणी लखलखणारी

सुवर्ण भासे चमचमणारी 

जग धुंद होय अवतीभवती

 मन माझे धावे तुजपाशी

अन् सलगी करते वाऱ्याशी ||2||

*
संध्याराणी तव् सांगांती

तुझ्या रुपाची गाणे गाती

हरसिंगारी तू फुलवंती

चांदणी फूल तू वैद्य जशी

अन् सलगी करती वाऱ्याशी ||3||

*

रातराणीस या पुसू कसे

कुपी सुगंधी बघ तुझ्यातसे

सौंदर्याचे तव् गमक असे

गुज खोल तुझे माझ्यापाशी 

अन् सलगी करते वाऱ्याशी ||4||

*

मी मुग्ध जाहले तुझ्या परी 

हरितामधली तू सोनपरी

मम् कवने सजली तुझ्यावरी

तव् नाते जुळले शब्दाशी

अन् सलगी करते वाऱ्याशी ||5||

*

© सौ.रेणुका धनंजय मार्डीकर

औसा.

मोबा. नं.  ८८५५९१७९१८

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

सुश्री वर्षा बालगोपाल

  चित्रकाव्य  

भरलेले ताट…   सुश्री वर्षा बालगोपाल ☆

☆

साग्रसंगीत स्वयंपाक झाला 

ताट भरले काठोकाठ 

ग. दि. मा आणि संकर्षणच्या

कविता आठवल्या पाठोपाठ 

*
पण मला मात्र असे ताट पाहून 

सगळ्यांपेक्षा जरा वेगळेच वाटले 

उदर भरण नोहे जाणिजे यज्ञकर्म 

.. ओठी आले ||

*
जठराच्या यज्ञासाठीच्या समिधा 

तुपात न्हाऊन सजलेल्या 

वेगवेगळ्या पदार्थांची 

आहुती होऊन आलेल्या ||

*
मीठ चटणी लोणचं कोशिंबीर रायते 

जठराग्नी चेतवण्या आले आयते ||

पापड पापड्या कुरोड्या तळलेले 

प्रज्वलीत ते कुंड जाहले ||

*

साधं वरण भात तूप लिंबाने 

अग्निवरती प्रोक्षण केले 

पोळी भाजी वांग उसळ 

जिव्हा चमच्याने यज्ञ मुखी घातले ||

*
पवित्र अशा या समिधांनी 

अग्नी देवतेस उत्तेजित केले 

चविष्ट वडे भजी वड्यांनी 

त्यास संतुष्ट केले ||

*

आमटी कालवणाच्या गुणांनी 

देवतेचे मन भारून गेले 

शेवटची समिधा मिष्टानाची 

देवता जीवास तृप्त केले ||

*

पियुशाचा मुखवास मिळता 

ढेकर देऊन आशिर्वाद दिले 

अन्नपूर्णा सुखीभव,

अन्नदात्याचे कल्याण होवो म्हटले||

*

असे षड्रस युक्त जेवण मिळता 

आरोग्य चांगले लाभणार 

आरोग्यम धनसंपदा 

त्या घरी नांदणार ||

☆

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री प्रभा सोनवणे

कवितेच्या प्रदेशात # २८९

☆ पसारा… ☆ सुश्री प्रभा सोनवणे ☆

☆

कसा सांग हा सावरावा पसारा,

किती काळ मी वागवावा पसारा!

*

कशा स्वच्छ होतील सांदी फटीही,

कळेना कसा घालवावा पसारा !

*

पदर खोचुनी काम जाते कराया,

परी वाटते बाळगावा पसारा !

*

इथे अंगवळणी पडावे कसे हे,

जुना जाणता हाकलावा पसारा ?

*

असे वेंधळेपण सदासर्वदाही,

कुणी का असा लांबवावा पसारा !

*

दिवाळीस जातोय माळ्यावरी अन्

पुन्हा वाटते साठवावा पसारा!

*

घराला मुभा मुक्त संचारण्याची,

कसाही कुणी पांघरावा पसारा !

*

कुणा शल्य सांगू जिवीच्या जिवाचे ?

‘प्रभा’ वाटते आवरावा पसारा !

☆

© प्रभा सोनवणे

संपर्क – “सोनवणे हाऊस”, ३४८ सोमवार

पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- sonawane.prabha@gmail.com

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री वर्षा बालगोपाल

  कवितेचा उत्सव 

☆ मराठीची खंत.. ☆ सुश्री वर्षा बालगोपाल ☆

☆

अभिजात मी मराठी

ज्ञानेशाची मी जननी

अमृताते पैजा जिंके

माधुर्याची मी अवनी ||

*

शारदेची मी तनया

बाकी भाषांची भगिनी

मावशांसाठी व्हा प्रेमळ

का जाता मज त्यजूनी||

*

केले साबीत स्वतःला

तरी का अवहेलना

बोलताना ही मराठी

कमीपणा वाटे जना||

*

कारण ते खजिलतेचे

मी नसावे वाटे मना

हर मातेचे हे विचार

माझ्या बछड्यांनो जाणा||

*

दुसऱ्या भाषांची सक्ती

जेव्हा करता ना तुम्ही

मनातूनी मज वाटे

धाडले हो वृद्धाश्रमी||

☆

© सुश्री वर्षा बालगोपाल

मो 9923400506

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈