सौ. उज्वला सुहास सहस्रबुद्धे
कवितेचा उत्सव
☆ दत्तावतार.. ☆ सौ. उज्वला सुहास सहस्रबुद्धे ☆
दत्तावतार..
श्री दत्तगुरु अवतारा,
हे त्रिगुणात्मक जग तारा!
अवतरला तुम्ही या जगती,
तारण्या दु:ख आपत्ती !
उत्पत्ती, स्थिती अन् लय हे
चक्र हो जाण जगताचे!
हे ब्रह्मा विष्णू महेश,
कर्ते अवघ्या लीलेचे!
सती अनुसयेचे सत्त्व
लागले येथ पणाला!
बालके होऊनी तान्ही
जागविले मातृत्वाला!
गौरव बहु या जगी झाला
अनसूया मातृपदाचा!
अवतार दिगंबर तो हा
तिज न्याय देई हा साचा!
© सौ. उज्वला सहस्रबुद्धे
वारजे, पुणे (महाराष्ट्र)
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
