सौ. वृंदा गंभीर
काव्यानंद
☆ अवघाचि संसार सुखाचा करीन… – संत ज्ञानेश्वर ☆ रसग्रहण.. सौ. वृंदा गंभीर ☆
अवघाचि संसार….
अवघाचि संसार सुखाचा करिन
आनंदे भरीन तिन्ही लोक || १ ||
*
जाईन गे माये तया पंढरपुरा |
भेटण माहेरा आपुलिया || २ ||
*
सर्व सुकृताचे फळ मी लाहिन |
क्षेम मी देईन पांडुरंगा || ३ ||
*
बापरखुमादेवी वरु विठ्ठलाची भेटी |
आपुल्या सवंसाठी करुनि ठेला || ४ ||
*
अवघाची संसार सुखाचा करिन
आनंदे भरीन तिन्ही लोक ||1||
अवघाची संसार म्हणजे सगळा संसार सुखाचा करिन संसार खूप अवघड आहे तो सोपा नाही वादळ वारे संकट झेलत सावरत संसार करावा लागतो,,,,,,,,
कुटुंबाची मर्यादा पाळत सगळ्यांची मनं सांभाळून हातोटीने संसार करावा लागतो नव्हे नव्हे करावाच लागतो.
“आनंदे भरीन तिन्ही लोक “
आनंदाने, समाधाने राहून तिन्ही लोकांना आनंद देईल,,,,
तिन्ही लोक,,, स्वर्ग, पाताळ, पृथ्वी या तिन्ही लोकांत आनंद परमेश्वराच्या नामस्मरणाने देणार आहे.
परमार्थ करून प्रपंच करणं म्हणजे संसार सुखाचा होणं आहे.
संसार अवघड आहे तितकाच परमार्थ सोपा आहे पण, आपण सांसाराच्या मागे धावत परमार्थ अवघड करून ठेवतो.
वय झाल्यावर देवाची आठवण येते तेंव्हा लक्षात येत आपण आयुष्यभर विनाकारण पळालो ज्याने आपल्याला या जगात आणलं त्यालाच विसरलो.
तेंव्हा जाणीव होते आणि देवाचा धावा सुरु होतो. भक्ती कशी निस्वार्थी हवी. देव “दिनाचा दयाळू, मनाचा मवाळू ” आहे आपल्या भक्तीचं फळ तो लगेच देतो.
संसार करत आनंद देण्याचा प्रयत्न करावा आनंद वाटत राहावा.
जाईन गे माये तया पंढरपूरा* भेटेन माहेरा आपुलिया
संसार करत परमार्थ करायचा आहे पांडुरंगा चरणी लिन व्हायचं आहे..
पंढरपूर माहेर आहे तिथे विठ्ठल रुख्मिणी माय बाप कर कटावर ठेऊन उभे आहेत…..
पंढरपूला माझ्या माहेरी जाऊन भेटून येणार आहे माझ्या माय माऊली, माझ्या मात्या पित्याला डोळेभरून बघणार आहे त्याचं ते सकुमार रूप डोळ्यात साठवणार आहे.
“सावळा तो श्रीहरी, सावळा तो विठ्ठल
रूप त्याचे मनोहर, पाहुनी होई मन समाधान “
सुंदर असे रूप पाहून देहभान हरपून जाते,,,
“पिवळा पितांबर, गळ्यात तुळशीमाळा
भाळी चंदनाचा टिळा, कटेवरी हात उभा वेटेवर”
असा तो पांडुरंग डोळ्यात साठवून मनाला शांती मिळते म्हणून माझ्या माहेरी मला जायचं भेटून यायचं आहे.
सर्व सुकृताचे फळ मी लाहीन
क्षेम मी देईन पांडुरंगा
जे मी सत्कर्म केल जे पुण्य मी मिळवलं त्याचं फळ मला मिळेल किंवा मी ते घेऊन येईल मी पांडुरंगाची क्षमा मागेल,,,
रोजचे कर्म करत असताना चूक होतेच अशी काही चूक झाली तर पांडुरंगाची क्षमा मागून प्रायश्चित घेईल,,,
मी विठुराया चरणी नतमस्तक होईल,,,, विठुरायाला अलिंगन देऊन त्याच्या चरणी जागा दे ही विनवानी करेल त्याची दासी होऊन राहीन.
बापरखुमादेवी वरू विठ्ठलाच्या भेटी
आपुल्या संवसाठी करुनी ठेला
विठ्ठल रुख्मिणी आई वडील आहेत.
माता पित्याची भेट हे विठ्ठलाच दर्शन म्हणजे एक वरदान आहे…
आपल्या साठी तो विटेवर उभा आहे.
आपल्या रक्षणासाठी उभा आहे.
एक आषाढीची वारी निमित्य आहे आई बापाच्या भेटीचं संतांचा मेळा भरतो. संत संगत मिळते आणि आयुष्य बदलून जातं.
” दुमदूमली पंढरी, गजर कीर्तनाचा “
” मुखी नाम विठुरायाचे, सोहळा हरीनामाचा “
जय हरी माऊली 🙏🙏
© सौ. वृंदा पंकज गंभीर (दत्तकन्या)
न-हे, पुणे. – मो न. 8799843148
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
