श्री सुनील देशपांडे
मनमंजुषेतून
☆ “चीssssssssअsssssर्सssss–…”🍾 ☆ श्री सुनील देशपांडे ☆
तो म्हणाला
“हे बरोबर नाही नववर्षाचं स्वागत करायचं नाही
आपलं वर्ष गुडीपाडव्याचं “त्यां”चं अनुकरण करायचं नाही”
मी म्हणालो
“ आजची तारीख काय?”
“३१ डिसेंबर”
“आजची तिथी काय?’
“माहीत नाही”
“मग आपलं नक्की काय?”
मला रोजची तारीख माहिती
माझं सगळं नियोजन तारखेवर
म्हणून माझं नववर्षही तारखेवर.
मग पाडवा?
तो ही माझा आहेच.
मी आनंदाचा प्रवासी,
जिथे आनंद तिथं मी.
शादी कीसीकी हो, अपना दिल गाता है.
ही माझी वृत्ती, हा माझा पिंड.
खरं तर प्रत्येक सकाळ ही,
एका नववर्षाची सुरुवात असते.
सवेरेका सूरज हमारे लिये है,
असं म्हणणारा कलंदर मी.
पण रोज साजरा करायला
जमतंय कुठं? जमलं तर ते ही करावं.
कुणाच्याही आनंदात आपला आनंद शोधावा.
आनंदाला ना जात ना धर्म ना देश.
म्हणूनच,
आनंदाचे डोही आनंद तरंग…
असं म्हणत मित्रांनो साजरा करूया
निखळ आनंद,
मग तो कुणाचा का असेना,
आणि कधीही का असेना !!!
तर चीssssssssअsssssर्सssss
हॅप्पी न्यू इयर !!!!!
☆
© श्री सुनील देशपांडे
नाशिक मो – 9657709640 ईमेल : sunil68deshpande@outlook.com
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
