श्री प्रमोद वामन वर्तक
चित्रकाव्य
मित्रत्वाचा सल्ला ! श्री प्रमोद वामन वर्तक ☆
☆
पाऊस धो धो पडतोय
गाठ पडली बिळात,
विसरला नाहीस नां रे
हरवले तुला खेळात ?
शर्यतीत गाजर खाऊन
झोपलास झाडाखाली,
असं कसं विसरलास
शर्यत लागल्ये आपली ?
सल्ला देतो तुला मित्रा
गर्वाच घर खाली असतं,
हवा डोक्यात गेली की
बक्षीस हमखास हुकतं !
इसापनीतीत प्रसिद्ध
ससूल्या आपली जोडी,
हट्ट करून शर्यतीसाठी
काढू नको परत खोडी !
काढू नको परत खोडी !
☆
आंतरराष्ट्रीय मैत्री दिनाच्या शुभेच्छा !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
