सौ. मंजुषा सुनीत मुळे
☆ मैत्र जीवाचे… ☆ सौ. मंजुषा सुनीत मुळे ☆
तशी मैत्री तर जमते पुष्कळांशी
पण जीवाचं मैत्र ….. ते जुळत नाही सर्वांशी …..
हे जीवाचं मैत्र …….
याला ना स्थळकाळाचे .. ना वयाचे बंधन
ना कसल्या औपचारिकतेचं कुंपण ……
असे ना कुठलीही जातपात
त्याने फरकच पडत नाही त्यात ……
तो..की.. ती, हा प्रश्नच नसतो मुळात
कारण तो उगवतच नाही मनाच्या तळात ……
नाही अपेक्षा सततच्या भेटीगाठींची
नाही गरज सततच्या संवादाची ……
याला लागत नाही कुठलेच
व्यावहारिक देणे – घेणे ……
कारण ……
कारण हे तर मनाच्या आत आत ….
“ प्रेमळ निरपेक्ष स्नेहाने नटलेले लेणे “ ….
मी तर सजलेय या लेण्याने ……
तू …? …….
© सौ. मंजुषा सुनीत मुळे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
