श्री सुनील देशपांडे
मनमंजुषेतून
☆ “स्वातंत्र्य दिनाचे चिंतन… प्रतिज्ञा व सत्य… 🇮🇳” ☆ श्री सुनील देशपांडे ☆
भारत माझा देश आहे
.. पण माझ्या देशात भारत आहे का ?
सारे भारतीय माझे बांधव आहेत
.. माझे सारे बांधव भारतीय आहेत का ?
माझ्या देशावर माझे प्रेम आहे।
.. माझ्या प्रेमाच्या यादीत देश कुठे आहे ?
माझ्या देशातल्या समृद्ध आणि .. विविधतेने नटलेल्या परंपरांचा मला अभिमान आहे।
,, देशाची समृद्धी कोणत्या चॅनलवर दाखवतात ?
.. परंपरांचा अपमान पदोपदी दिसतोच परंतू
.. अभिमानास्पद परंपरांची माहिती कुणाला आहे?
त्या परंपरांचा पाईक होण्याची पात्रता माझ्या अंगी यावी म्हणून मी सदैव प्रयत्न करीन।
.. पाईक होणे सोडा पण परंपरा झुगारण्यातच धन्यता मानणारी माणसेच हार घालून मिरवतात
मी माझ्या पालकांचा, गुरुजनांचा आणि वडीलधार्या माणसांचा मान ठेवीन
.. पालक, गुरुजन व वडिलधा-यांचा अपमान होणार नाही येवढेतरी घडते असे दिसते का ?
आणि प्रत्येकाशी सौजन्याने वागेन।
.. सामान्य माणसाशी सौजन्याने कोण वागते हो ?
माझा देश आणि माझे देशबांधव यांच्याशी निष्ठा राखण्याची मी प्रतिज्ञा करीत आहे।
.. निष्ठा या शब्दाच्या ख-या अर्थाशी किती जणांचा संबंध येतो ?
त्यांचे कल्याण आणि त्यांची समृद्धी ह्यांतच माझे सौख्य सामावले आहे।
.. स्वत: व्यतिरिक्त कुणाचे कल्याण अथवा समृद्धी वा सौख्य यांचा विचार करणारे किती हो ?
बोले तैसा न चाले त्याची
सध्या वंदितो आम्ही पाऊले.
कराल विचार निदान आज ?
बनवायचा भारत महान ?
…. “१५ ऑगस्ट” – भारतीय स्वातंत्र्यदिनाच्या हार्दिक शुभेच्छा !!! 🇮🇳
© श्री सुनील देशपांडे
मो – 9657709640
email : sunil68deshpande@outlook.com
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
