मराठी साहित्य – चित्रकाव्य ☆ ब्रम्हानंदी ऐसी लागली टाळी ☆ श्री आशिष बिवलकर ☆

By Hemant BawankarNo Comments

श्री आशिष  बिवलकर

?️?  चित्रकाव्य  ?️?

? ब्रम्हानंदी ऐसी लागली टाळी  ? श्री आशिष  बिवलकर ☆

☆

वेड लावलेस पांडुरंगा,

चरचरात तूच दिसावा |

पंढरीच्या वाटेवर ऐसा,

सुखे निद्रा गोड विसावा |

*
आकाश घेतले पांघरूण,

अंथरुण झाली धरणी |

शेजारी बैसली वृंदा,

हरी सुखाची पेरणी |

*

गात्र जरी थकली आता,

ओढ तुझी पायांत आणते बळ |

झरझर पाऊले पडतात,

चाखाया हरी दर्शनाचे फळ |

*

अठ्ठावीस युगं तू उभा,

पुंडलिकाच्या त्या विटेवर |

संसार जगाचा हाकतोस,

दोन्ही हात ठेऊन कटेवर |

*

वैष्णवांचा सोहळा रंगे,

चंद्रभागेच्या वाळवंटी |

तहान भूक विसरून,

लेकरं माऊलीच्या भेटी |

*

चालून चालून पडल्याजागी 

ब्रम्हानंदी ऐसी लागली टाळी |

अशा वेड्या भक्तांची पायधूळ,

सखा पांडुरंग लावतो कपाळी |

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ तू असतीस तर… ☆ डाॅ. निशिकांत श्रोत्री ☆

By Hemant BawankarNo Comments

डाॅ. निशिकांत श्रोत्री 

? कवितेचा उत्सव ? 

☆ तू असतीस तर… ☆ डाॅ. निशिकांत श्रोत्री ☆

☆

तू असतीस तर तू असतीस तर ||ध्रु||

*

तू असतीस तर अजुन लाभते घरास अपुल्या मंगल घरपण

तू असतीस तर झाले असते घरात अपुल्या अमृत सिंचन ||१||

*

तू असतीस तर लक्ष्मी गृहाची घरात असती वास करुनी

तू असतीस तर समाधान या घरातुनी ना जाते निघुनी ||२||

*

तू असतीस तर सदैव नसत्या नयनातुनी या अश्रूधारा

तू असतीस तर वहात असता हास्ये भरला शीतल वारा ||३||

*

तू असतीस तर अजुनी असते सखे सोयरे सभोवताली

तू असतीस तर अजून फुलती गंधित अपुली जीवनवेली ||४||

*

तू असतीस तर झंकारुनिया अजून येती मंजुळ गाणी

तू असतीस तर झाले नसते जीवन अमुचे खिन्न विराणी ||५||

☆

© कवी : डॉ. निशिकान्त श्रोत्री

           एम. डी. , डी. जी. ओ.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्रावण… ☆ सौ.वंदना हुळबत्ते ☆

By Hemant BawankarNo Comments

सौ. वंदना अशोक हुळबत्ते

? कवितेचा उत्सव ?

☆ श्रावण… ☆ सौ. वंदना अशोक हुळबत्ते ☆

☆

उन्ह पाऊसचा

खेळ श्रावणात

*

इंद्रधनुची कमान

उमटते आभाळात

*

धरणी नटते

हिरव्या शालूत

*

बोचरा वारा

खळबळ हृदयात

*

मन होते पाखरू

नाचते तालात

*

गाणं येता ओठी

श्रावण हसतो गालात

☆

© सौ.वंदना अशोक हुळबत्ते

संपर्क – इंदिरा अपार्टमेंट बी-१३, हिराबाग काॅनर्र, रिसाला रोड, खणभाग, जि.सांगली, पिन-४१६  ४१६

मो.९६५७४९०८९२

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ आला श्रावण श्रावण! ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक

? कवितेचा उत्सव ? 

🦚 आला श्रावण श्रावण! 🌴 ☆ श्री प्रमोद वामन वर्तक ⭐

☆

आला श्रावण श्रावण

धरली पावसाने धार,

नव्या नवरीच्या मनी

नाचे आनंदाने मोर!

*

आला श्रावण श्रावण

सय येते माहेराची,

दारी उभी वाट पाहे

माय तिची कधीची!

*

आला श्रावण श्रावण

सख्या माहेरी भेटतील,

होतो सासरी का जाच?

लाडे लाडे पुसतील!

*

आला श्रावण श्रावण

सण ये मंगळागौरीचा,

पुजून देवी अन्नपूर्णेला

रात खेळून जागायाचा!

*

आला श्रावण श्रावण

व्रत वैकल्याचा मास,

ताबा ठेवून जिभेवर

करा उपास तापास!

करा उपास तापास!

☆

© श्री प्रमोद वामन वर्तक

संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610 

मो – 9892561086 ई-मेल – pradnyavartak3@gmail.com

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्रावण… ☆ श्री अनिल वामोरकर ☆

By Hemant BawankarNo Comments

श्री अनिल वामोरकर

? कवितेचा उत्सव ?

☆ श्रावण… ☆ श्री अनिल वामोरकर ☆

☆

सरसर सर येते

क्षणात निघून जाते

मळभ मनातले

क्षणात पळून जाते…

*

विमल असा हा

मासोत्तम मास श्रावण

व्रत वैकल्यांचा अन्

संयमाचाही जाण..

*

वटपौर्णिमा, नागपंचमी

रक्षाबंधन अन् बाप्पाचे आगमन

उत्साह आणि चैतन्य

चराचरात अन् मनामनात…

*

मिष्टांनाची मेजवानी

रसनेची तृप्तता

मंगलमय वातावरण

श्रावण येता…

☆

© श्री अनिल वामोरकर

अमरावती

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – चित्रकाव्य ☆ सृजन सृष्टीचे… ☆ सुश्री नीलांबरी शिर्के ☆

By Hemant BawankarNo Comments

सुश्री नीलांबरी शिर्के

 

?️?  चित्रकाव्य  ?️?

? सृजन सृष्टीचे ?  सुश्री नीलांबरी शिर्के ☆

☆

सृष्टीचे सृजन हिरवे

ह्रदय पानातून उगवे

त्या सृजन काळजातून

शुभ्र फुलांचे हे ताटवे

*
गंध तयाचा मंद असावा

तयास वाहून नेई हवा

भाग्य जयाचे तया मिळे

सुगंध याचा नवा नवा

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ भेट आपुली ती पहिली… + संपादकीय निवेदन – प्रा.सौ.सुमती पवार – अभिनंदन ☆ सम्पादक मंडळ ई-अभिव्यक्ति (मराठी) ☆

By Hemant BawankarNo Comments

सूचना/Information

(साहित्यिक एवं सांस्कृतिक समाचार)

प्रा.सौ.सुमती पवार

🪻 अभिनंदन 🪻

आपल्या समुहातील ज्येष्ठ साहित्यिका प्रा. सुमती पवार यांच्या, मानस, इंद्रा आणि नक्षत्र या तीन कवितासंग्रहांचे नुकतेच प्रकाशन झाले आहे. साहित्य क्षेत्रातील त्यांच्या या कामगिरीबद्दल ई अभिव्यक्ती परिवारातर्फे त्यांचे मन: पूर्वक अभिनंदन आणि पुढील प्रकाशनासाठी हार्दिक शुभेच्छा.

आज त्यांची एक नवीन कविता “भेट आपुली ती पहिली…“, ‘कवितेचा उत्सव‘ या सदरात देत आहोत.

संपादक मंडळ

ई अभिव्यक्ती मराठी

☆ ☆ ☆ ☆ ☆

? कवितेचा उत्सव ? 

☆ भेट आपुली ती पहिली… ☆ प्रा.सौ.सुमती पवार ☆

☆

आठवते भेट मला भेट आपुली पहिली

लाजेने मी चूर चूर नजर नाही उचलली…

माती कोरत राहिले, शब्द नेती माझ्या ओठी

भेटीची ती ओढ अशी हुरहुर लागे पोटी..

*

न बोलताच बोलणे मौनातच सारे आले

समजत होते तुला मन माझे भांबावलेले…

मिष्किल नजर तुझी डोळ्यातही हसू होते

अस्फूट ते तुझे ओठ गोड किती होते नाते…

*

नाही पाहिले हो पूर्वी तरी ओढ का लागते

हृदयात काठोकाठ प्रेम का हो ओसांडते…

जीवाशिवाची का भेट देवादारी ठरवली

एका ह्याच नात्यासाठी मायबापे दुरावली..

*

वरचढ ठरे नाते अशी कोणती पुण्याई

जन्मदिला वाढवला त्यांना सोडूनच जाई…

जीव जीवात गुंततो नवे जीव येती घरा

अशी चाले घरोघरी मायबाप परंपरा…

*

ठेचा लागल्या हो किती पूर्णत्वाला नेती थेट

हात हातात घालून दूर जरी दिसे वाट

सुखदु:खे घरोघर मातीच्या चुली असती

पळसाला पाने तीन निभाऊन सारे नेती…

☆

© प्रा.सौ.सुमती पवार 

 नाशिक

मो. ९७६३६०५६४२; ईमेल – svpawar6249@gmail.com

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ बाईपण… ☆ सौ.वनिता संभाजी जांगळे ☆

By Hemant BawankarNo Comments

सौ.वनिता संभाजी जांगळे

?  कवितेचा उत्सव ?

☆ बाईपण… ☆ सौ. वनिता संभाजी जांगळे ☆

☆

अंतरीतला अंधार विझवायला,

ती रोज पेटवते.

आशांचे असंख्य दीप,

नैराश्याच्या काठावरती.

उद्ध्वस्त झालेला किनारा सावरायला.

हारलेल्या क्षणांचे हिशेब,

ती लावत बसते.

एकांताच्या कोपर्यात आणि

जुळवते एक एक करून,

धागा नशिबाचा.

पुन्हा एकदा बाई नावाची,

गोफण गुंफायला.

ती प्रारब्ध म्हणून स्विकारत आहे

हे बाईपण निभावणं,

आई, आत्या, बहिण, सासू वगैरे वगैरे

यांच्या चालीरूढींची वारस म्हणून.

ती कधी ढासळते! , कोलमडते!

कधी हारते! कधी जिंकते!

पण सावरून नेते स्वतःला,

समाज-रूढींच्या प्रत्येक कसोटीतुन.

जन्म-जन्मांतरीचे,

स्त्री नावाचे अस्तित्व

टिकवायला.

☆

© सौ.वनिता संभाजी जांगळे (घागरे)

जांभुळवाडी-पेठ, ता. – वाळवा, जिल्हा – सांगली

संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ विजय साहित्य # 259 – संसाराची गाथा…! ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 259 – विजय साहित्य ?

☆ संसाराची गाथा…! ☆

☆

चुकला ना कोणा

संसाराचा मोह

कर्मफल डोह

भारवाही…! १

*

आजन्म सोबती

विश्वाचा पसारा

वाजवी नगारा

संसारीक….! २

*

बाल प्रौढ आणि

वार्धक्य विचार

सत्यता स्विकार

संसारात…! ३

*

भवपाश बंध

सुख दुःख भोग

लागू नये रोग

संसाराला…! ४

*

राजा आणि राणी

अपुरा संसार

वंशवेल भार

अभिप्रेत…! ५

*

जन्म आणि मृत्यू

यांतील प्रवास

दैव दुर्विलास

असो नये…! ६

*

संसार सुखाचा

मौज मस्ती छंद

आनंदाचा कंद

मेळवावा…! ७

*

अवती भवती

रागरंग खेळ

संसाराचा मेळ

लवलाही…! ८

*

संसार सांधतो

प्रपंचाची गोडी

भवबंध जोडी

विश्वासाने….! ९

*

संसार सदनी

जाणूनीया मर्म

नका काढू वर्म

आप्तेष्टांचे….! १०

*

संसाराची नाळ

गुंफलेले नाते

स्वभावाचे जाते

कर्म कांडी….! ११

*

संसार आरसा

पाही भूतकाळ

दावी तिन्ही काळ

आयुष्याचे…! १२

*

संसार म्हणजे

मानव्याचे रूप

जळतसे धूप

रात्रंदिन..! १३

*

गृहस्थाश्रमाचा

घेतलासे वसा

आशीर्वादी ठसा

लाभतसे…! १४

*

संसाराची गाथा

कविराज बोल

सांभाळला तोल

संसारात….! १५

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ दिवा होऊन… ☆ डॉ.सोनिया कस्तुरे ☆

By Hemant BawankarNo Comments

डॉ. सोनिया कस्तुरे

? कवितेचा उत्सव ?

🍃 दिवाहोऊन 🍃 डॉ.सोनिया कस्तुरे ☆

🪔 दीप पूजा🕯️

☆

सूर्य होताच येणार नाही

 काजव्यांची कास धरा

खूप अपेक्षा धरण्यापेक्षा

 दिवा होऊन जळत रहा

फुले मिळो अथवा काटे

 सत्याच्या वाटेने चालत रहा

शत्रूत्वाने होईल उद्ध्वस्त

 प्रेमाने जगण्याचा मार्ग बरा

फुले सुगंध देतात

 नद्या व पाऊस पाणी

वातावरण देते प्राणवायू

 पक्षी देतात गाणी

निसर्गाची कास धरा

 निर्व्याज जगणं फुलावत रहा

अतिहव्यासाने करतो माणूसच

 स्वतःचाच घात खरा

 स्वातंत्र्य आणि समतेसाठी

 लढले त्यांचे स्मरण करा

दीन-दुबळ्या लोकांसाठी

 जगणे आपुले तेवत ठेवा

आपण कुणी महामानव नाही

 आपल्या परीने झटत रहा

खूप अपेक्षा ठेवण्यापेक्षा

 दिवा होऊन जळत रहा

☆

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares