श्री तुकाराम दादा पाटील
काव्यानंद
☆ तुका म्हणे – माप म्हणे… – अभंग रचना ☆ रसग्रहण – प्रा तुकाराम दादा पाटील ☆
☆ तुका म्हणे ☆
माप म्हणे मी मविते/
भरी धनी ठेवे रिते //१//
देवा अभिमान नको/
माझे ठायी देऊ सको//२//
हाती सूत्र दोरी/
तुका म्हणे त्याची दोरी //३//
– संत तुकाराम.
*
तुका म्हणे
फक्त मोजत रहाणे हेच कोणत्याही मापाचे काम असते. त्या मापाला भरून ठेवणे किंवा रिकामे ठेवणे हे त्या मापाच्या मालकाच्या मालकाच्या हातात असते. कारण त्या मापाचा मालक दुसराच कोणी तरी असतो. तसा माझा देव हाच माझा मालकही आहे. म्हणूनच तुकाराम महाराज देवाला मला अभिमान येऊ देऊ नका अशी विनवणी करतात.
आपल्या जगण्याची आणि जीवनाची दोरी देवाच्याच हातात आहे. हा सर्व मोठेपणा देवाचाच आहे. आपल्याकडे कर्तृत्वाचे सामर्थ्य देणारा किंवा न देणारा परमेश्वरच आहे. म्हणूनच माप भरणे किंवा ते रिकामे ठेवणे हे त्याच मालकाच्या इच्छे प्रमाणे घडते. ही वस्तुस्थिती मी ओळखून आहे. म्हणूनच मला कर्तेपणाचा अभिमान येऊ देऊ नकोस. हा सर्व तुझाच अधिकार आहे. मी फक्त तुझ्या हातातील खेळणे आहे. आपल्या जीवनाचे असे सूक्ष्म आवलोकन करून तुकाराम महाराज परमेश्वर चरणी नतमस्तक होतात.
तुका म्हणे
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
पाहुणा 
कवितेचा उत्सव 
