मराठी साहित्य – कवितेचा उत्सव ☆ विजय साहित्य #186 ☆ भारत माझा 🇮🇳 ☆ कविराज विजय यशवंत सातपुते ☆

कविराज विजय यशवंत सातपुते

? कवितेचा उत्सव # 186 – विजय साहित्य ?

☆ भारत माझा 🇮🇳 ☆ कविराज विजय यशवंत सातपुते

माझ्यासाठी माझे मी पण ,

देशासाठी ,माझे जीवन

असंख्य जगले, असंख्य जगती

असंख्य त्यास्तव, जन्मा येती. ..!

 

जन्म घेतला, जगण्यासाठी

जगता जगता , हसण्यासाठी.

त्या जन्माचे, हळवे संचित

माझ्या नयनी, का येते रे ?

 

देशभक्तीचे, अतूट नाते

इतिहासाने , सांगायाचे

भौगोलिक हा , वर्तमान मी

मीच आता मज, घडवायाचे…!

 

आयुष्यातील, अनेक स्वप्ने

मम देशाची , तीच नजाकत

तीच सावली , संस्कारांची

तिनेच मजला, घडवायाचे …!

 

या शब्दातून , या वाक्यातून

रंग अलौकिक , येती लहरत.

राष्ट्रध्वजासम , ध्येय निष्ठता

मम देहातून, यावी बहरत…!

 

रंग केसरी, मम स्वप्नांचा

चारित्र्याची, शुभ्र छटा.

हरित क्रांतीचा, मन शांतीचा

कुणी कुणाला, दिला वसा. ..!

 

प्रश्नासाठी , प्रश्न ही नाना

उत्तर अवघे , एकच माना

माणुसकीच्या, ध्येयाखातर

मुखी राहू दे, ध्येयवाक्यता .!

 

देश असा नी, देश तसा

खरे सांगतो, हसू नका.

या देशाच्या, ऐक्यासाठी

मीच पसरला, पहा पसा.!

 

जन्मा आलो, झालो जाणता

देशभक्तीचा, घेऊन वसा

म्हणून दिसला, दिसतो आहे

भारत माझा, भारत माझा. ..!

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ झालो समर्थ आम्ही… ☆ प्रा तुकाराम दादा पाटील ☆

श्री तुकाराम दादा पाटील

? कवितेचा उत्सव ?

☆ झालो समर्थ आम्ही… ☆ प्रा तुकाराम दादा पाटील ☆

गाऊमिळून सगळे आता भविष्य गाणे

स्वातंत्र्यसूर्य जपला आम्ही पराक्रमाने

 

होतो जगात आहे जयघोष भारताच

बिमोड पूर्ण झाला आहेच संकटांचा

डुलतो नभी तिरंगा आदर्श वास्तवाचा

नांदायचे आम्हाला आता इथे सुखाने—-

 

जपली मनात सगळी आम्ही सवंग नाती

सांभाळते जिव्हाळा इथली पवित्र माती

आहेत भावना या रुजल्या मनात साऱ्या

बनलो समर्थ आम्ही साधार निर्णयाने—-

 

स्वप्नातले  इरादे साकार व्हावयाला

भरपूर भाव आहे अजूनी परिश्रमाला

घेऊन हात हाती राबू मिळून सारे

एकेक शिखर गाठू आता क्रमाक्रमाने—-

 

अभिमान सार्थ आहे आम्हास संस्कृतीचा

विश्वास मान्य आहे आदर्श मायभूचा

इतिहास बोध देतो येथे पराक्रमाचा

नमतो आम्ही तयाला अत्यंत आदराने—-

 

चैतन्य चंद्र आहे हाती नव्या पिढीच्या

दिपल्या प्रकाश वाटा कित्येक योजनांच्या

सामर्थ्य खूप आहे बाहूत आज त्यांच्या

करतात देशसेवा  सारे तनामनाने—-

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “पण पावसा…” ☆ सौ राधिका भांडारकर ☆

सौ राधिका भांडारकर

? कवितेचा उत्सव ?

☆ “पण पावसा…” ☆ सौ राधिका भांडारकर 

शहरातल्या उंच इमारतींवर

दिवस-रात्र तू कोसळतो आहेस

 पण एक विचारू? खरं सांग

 तू मनातून उदासच ना आहेस?

 

 तुला आवडतात गिरीशिखरे

 मुक्त बरसायला रानावनात

धरतीशी होणारा तुझा शृंगार

 खरा खुलतो तो केतकीच्या बनात..

 

 निवांतपणे थेंबांना घेऊन कधी

झाडांच्या पानावर झुलत राहतोस

 घरट्यात भिजल्या पंखाने फडफडत

 असलेल्या विहंगांमध्ये सहज रमतोस

 

 शहरातल्या या बंद इमारती

 तू आलास की लावून घेतात

त्यांची काचेची सुंदर तावदाने

सुकत नाहीत वस्त्रे म्हणून वैतागतात..

 

 पण पावसा! लॉन्ग वीकेंडला

हीच सारी शहरातली माणसे

तुझ्याशी दोस्ती करतात हिल स्टेशनवर

आणि मजेत खातात गरम कणसे ..

© सौ. राधिका भांडारकर

ई ८०५ रोहन तरंग, वाकड पुणे ४११०५७

मो. ९४२१५२३६६९

[email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ रोज रोज मरे… ☆ श्री प्रमोद वामन वर्तक ☆

श्री प्रमोद वामन वर्तक  

?️?  चित्रकाव्य  ?️?

 ? रोज रोज मरे… ☆ श्री प्रमोद वामन वर्तक ☆

उडे बोजवारा “मरेचा”

धो धो पाऊस पडल्यावर,

फुटे वारूळ पब्लिकचे

“सीएसटीच्या” फलाटावर !

बेभरवशी “तिचे” आगमन

नसे माहित गंतव्य स्थान,

वाट पहाणे फक्त हाती

बेभरवशी “तिचे”  गमन !

घसा बसतो अशावेळी

“उद् घोषणा” करणाऱ्यांचा,

जीव लागे टांगणीला

पब्लिकसवे घरच्यांचा !

पब्लिकसवे घरच्यांचा !

© प्रमोद वामन वर्तक

दोस्ती इम्पिरिया, ग्रेशिया A 702, मानपाडा, ठाणे (प.)

मो – 9892561086 ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ कोसळा… ☆ सौ. गौरी गाडेकर ☆

सौ. गौरी गाडेकर

? इंद्रधनुष्य ?

☆ कोसळा… आणि वैशाली नाईक ☆ सौ. गौरी गाडेकर

मोह वीज कडाडते

गडगडाट क्रोधाचा

अन सैराट चालला

काम मत्सर लोभाचा

 

धो धो घनू बरसला

मनसांदीकोपऱ्यात

शुचिर्भूत अभिषेक

मनअंतर्गाभाऱ्यात

 

गेले वाहुनिया पार

द्वेष राग नि विषाद

मन शुद्ध नि निखळ

अस्तित्वाला घाली साद

 

उसंतला तो पाऊस

झालं सारं शांत शांत

षड्रिपूही झाले नष्ट

झालं आयुष्य निवांत

 

पुन्हा दाटला पाऊस

पंचमहाभुतां साद

झाली सुरू बरसात

पुरं अस्तित्व झिम्माड

 

परमात्मा नि आत्म्याचा

आज मिलनसोहळा

कशी झेलू देहावरी

पावसाचा हा कोसळा

© सौ. गौरी गाडेकर

संपर्क – 1/602, कैरव, जी. ई. लिंक्स, राम मंदिर रोड, गोरेगाव (पश्चिम), मुंबई 400104.

फोन नं. 9820206306

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 195 ☆ भेटीगाठी… ☆ सुश्री प्रभा सोनवणे ☆

सुश्री प्रभा सोनवणे

? कवितेच्या प्रदेशात # 195 ?

☆ भेटीगाठी… ☆ सुश्री प्रभा सोनवणे ☆

काही भेटीगाठी…

असतात सुखाच्या..निखळ आनंदाच्या !

पन्नास वर्षानंतर..

भेटलो शाळेच्या प्रांगणात !

 

आणि आठवले शाळेचे,

फुलपंखी दिवस..

भुर्रकन उडून गेलेले !!

 

किती बरं झालं असतं ?

असं झालं असतं तर…

किती बरं झालं असतं…

तसं झालं असतं तर…

क्षणभर चमकून गेले

हे विचार…

 

नियतीने बहाल केलेले…

हे गाठीभेटीचे क्षण

किती अनमोल,

या जर तर च्या

गुंत्यात न अडकता…

 

मनमुक्त घेतलेल्या…

त्या आनंदाची

शाल पांघरून,

मिरवत रहावं,आयुष्यभर

गाठीभेटीच्या गोड क्षणांसह !

कारण घडून गेलेलं

खोडून टाकता येत नाही,

हे ही…आणि ते ही !

© प्रभा सोनवणे

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेच्या उत्सव ☆ आठवणी… ☆ सौ. जयश्री पाटील ☆

सौ. जयश्री पाटील

? कवितेच्या उत्सव ?

☆ आठवणी… ☆ सौ. जयश्री पाटील ☆

आठवणी कशा

येतात कोठून

मनावर हळू

फुंकर घालून

 

पिंगा घालतात

फेर धरतात

सभोवती अशा

नाच नाचतात

 

मनाच्या तळाशी

घट्ट बिलकुल

बसतात खोल

डोहात रुतून

 

जखमे वरली

खपली उडते

भळभळत ती

उघडी पडते

 

असंख्य घटना

येतात दाटून

अलगत येते

पाणी डोळ्यातून

 

सुखद काहीशा

मऊ मखमली

मोरपीस जणू

फिरतसे गाली

 

क्षण आनंदाचे

येतात जीवन

जाता येतील का

सोबत घेऊनी

© सौ. जयश्री पाटील

विजयनगर.सांगली.

मो.नं.:-8275592044

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ – मनामनात तिरंगा…🇮🇳– ☆ श्री आशिष बिवलकर ☆

श्री आशिष  बिवलकर

?️?  चित्रकाव्य  ?️?

?– मनामनात तिरंगा…🇮🇳– ? ☆ श्री आशिष  बिवलकर ☆

हृदयात देशप्रेम मोठे,

छोटा भासे गगनचा गाभारा !

मनामनात तिरंगा,

घरा-घरात राष्ट्रध्वज उभारा !

घर नाही तिरंगा लावू कुठे?

हा खुजा प्रश्न बाजूला  सारा !

एक देश एक राष्ट्रध्वज,

हीच आमची  आहे विचारधारा !

© श्री आशिष  बिवलकर

15 ऑगस्ट 2023

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ “गर्जा जयजयकार…🇮🇳” ☆ सुश्री मंजुषा सुनीत मुळे ☆

सुश्री मंजुषा सुनीत मुळे

? कवितेचा उत्सव ?

☆ “गर्जा जयजयकार…🇮🇳” ☆  सुश्री मंजुषा सुनीत मुळे  ☆

स्वातंत्र्याच्या यशस्वितेचा गर्जा जयजयकार 🇮🇳

लोक हो … गर्जा जयजयकार …

                 आम्हीच आता राजे म्हणुनी

                 स्वातंत्र्याला उधाण येऊनी

                 जन्मे स्वैराचार …

                 गर्जा जयजयकार ….

बासनात ते नियम, कायदे

रोजरोजचे नवे वायदे

जनतेवर उपकार …

गर्जा जयजयकार ….

                  चोर स्वतःला साव म्हणविती

                  उघड्या माथी जनी मिरविती

                  सत्ता दे हुंकार …

                  गर्जा जयजयकार ….

जनसेवेचे बेगडी सोंग

सत्कार्याचे नुसते ढोंग

मनी पुरता कुविचार …

गर्जा जयजयकार ….

                    भ्रष्टाचारा पूरच येता

                    मातेला अन गिळू पहाता

                    कुठे न हाहा:कार …

                    गर्जा जयजयकार ….

पुंडशाहीचा जोर वाढता

देशाला या विकू पहाता

आत्म्याचा जोहार …

गर्जा जयजयकार ….

                     जनतेनेही बरे म्हणावे

                     आपल्यापुरते आपण पहावे

                     इतरांचा न विचार …

                       गर्जा जयजयकार ….

दिसतो झगमग थाटमाट वरी

भारतभूच्या मनी दाटे परी

निराश अंध:कार …

गर्जा जयजयकार ….

                        जुलमाची ही राष्ट्रवंदना

                        राष्ट्राची परि तमा कुणा ना

                        हाच नवा संस्कार …

                        गर्जा जयजयकार ….

असले भीषण जरी हे चित्र

स्वप्न मनोमनी तरळे मात्र

होईल कृष्णावतार …

फिरुनी होईल कृष्णावतार

                            गर्जा जयजयकार …

                                  लोक हो गर्जा जयजयकार ……

©  सुश्री मंजुषा सुनीत मुळे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ 🇮🇳 तिरंगा 🇮🇳 ☆ सौ. उज्वला सुहास सहस्रबुद्धे ☆

सौ. उज्वला सुहास सहस्रबुद्धे

☆ 🇮🇳 तिरंगा 🇮🇳 ☆ सौ. उज्वला सुहास सहस्रबुद्धे ☆

तीन रंगात फडकत राहील,

 माझ्या देशाचा सन्मान !

आकाशातून विहरत जगभर जाई,

 भारताचा अभिमान !

 

केशरी, पांढरा, अन् हिरवा  

रंगध्वजाचे येत क्रमाने.!

वैराग्याला प्रथम स्थान ते…  

दिलेअसे देशाने!

 

पावित्र्य जयाचे दावून सर्वा,

शुभ्र पांढरा मध्ये असे!

हिरव्या रंगाने ती अपुली,

सस्यशामल भूमी दिसे. !

 

विजयचक्र हे मधोमध दावी

‘विजयी भव’ चे रूप सर्वा!

चक्रा वरच्या आऱ्या दाखवती,

देशभक्तांच्या शौर्या!

 

उंच लहरता तिरंगा अपुला,

स्वातंत्र्याची ग्वाही देतसे!

दरवर्षी नव जोशाने हा,

स्वातंत्र्यनभी फडकतसे!

 

गर्वाने आम्ही पुजितो,

जो देशाचा मानबिंदू खरा!

त्याच्या छत्राखाली  भोगतो,

स्वातंत्र्याचा रंग हा न्यारा!

 

स्वातंत्र्य दिन असो

वा प्रजासत्ताक दिन असो!

आमचा तिरंगा ,

फडकत राहील!

 

या तिरंग्याच्या,

रक्षणासाठी!

प्रत्येक बांधव,

सज्ज राहील!

© सौ. उज्वला सुहास सहस्रबुद्धे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares
image_print